ಮಹಿಳೆಯರು ಮನೆಯಂಗಳ ಸ್ವಚ್ಛಗೊಳಿಸಿ ರಂಗೋಲಿ ಬಿಡಿಸಿದರು. ಮನೆಯನ್ನು ಬಾಳೇ ಕಂದು, ವಿವಿಧ ಹೂವು, ತಳಿರು ತೋರಣಗಳಿಂದ ಸಿಂಗಾರಿಸಿದರು. ಬಂಜಾರ ಯುವಕರು, ಬಾಲಕರು ಹೊಸ ಬಟ್ಟೆ ಧರಿಸಿ ಪಟಾಕಿ ಸಿಡಿಸಿ ಸಂಭ್ರಮಿಸಿದರೆ, ಬಾಲಕಿಯರು ಹೊಲ ಗದ್ದೆಗಳಿಗೆ ತೆರಳಿ ಹುಚ್ಚಳ್ಳು, ಹೂವು, ಹುರುಳಿ ಸೊಪ್ಪು, ತಡಸಲು ಮರದ ಹೂವು, ಹಣ್ಣೇ ಸೊಪ್ಪಿನ ಹೂವು, ರಾಗಿ ತೆನೆ, ಭತ್ತದ ತೆನೆ, ವಿವಿಧ ಜಾತಿಯ ಹೂವು, ಸೊಪ್ಪುಗಳನ್ನು ಕಿತ್ತು ಬಿದಿರಿನ ತಟ್ಟಿಯಲ್ಲಿ ತಂದು ಬಂಜಾರರ ಆರಾಧ್ಯ ದೈವ ಶ್ರೀಸಂತ ಸೇವಾಲಾಲ್ ಸ್ವಾಮಿಗೆ ಪೂಜೆ ಸಲ್ಲಿಸಿದರು.