ಅಕ್ರಮ ಆಸ್ತಿ ಸಂಪಾದನೆ: ಕಾರ್ಯಪಾಲಕ ಎಂಜಿನಿಯರ್‌ಗೆ ₹ 1.25 ಕೋಟಿ ದಂಡ

ಹರಪನಹಳ್ಳಿ ತಾಲ್ಲೂಕು ಲಕ್ಷ್ಮೀಪುರ ಗ್ರಾಮದ ನಿವಾಸಿ, ಕೊಪ್ಪಳದಲ್ಲಿ ಕಾರ್ಯಪಾಲಕ ಎಂಜಿನಿಯರ್‌ ಆಗಿ ಕಾರ್ಯ ನಿರ್ವಹಿಸಿದ್ದ ಎಚ್. ಲಷ್ಕರ್‌ ನಾಯ್ಕ ಅಪರಾಧಿ.

ಅಕ್ರಮ ಆಸ್ತಿ ಸಂಪಾದನೆ ಮಾಡಿದ್ದಾರೆಂದು ಕೆಲವು ವರ್ಷಗಳ ಹಿಂದೆ ಆಗಿನ ಲೋಕಾಯುಕ್ತ ಇನ್‌ಸ್ಪೆಕ್ಟರ್‌ ಸುಧೀರ್ ಎಂ. ಹೆಗಡೆ ಈ ಬಗ್ಗೆ ವರದಿ ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡು ಅವರ ಮನೆ ಮತ್ತು ಕಚೇರಿ ಮೇಲೆ ದಾಳಿ ಮಾಡಲಾಗಿತ್ತು. ಇನ್‌ಸ್ಪೆಕ್ಟರ್‌ ಗುರುದತ್‍, ರಾಮಚಂದ್ರ ಬೆಂತೂರ್‌ ತನಿಖೆ ಮಾಡಿದ್ದರು. ಆಗಿನ ಲೋಕಾಯುಕ್ತ ಡಿವೈಎಸ್‌ಪಿ ಕೆ.ಎಂ. ಬಸವರಾಜ್‍ ದೋಷಾರೋಪ ಪಟ್ಟಿ ಸಲ್ಲಿಸಿದ್ದರು. ಆರೋಪಿ ಲಷ್ಕರಿನಾಯ್ಕ ಶೇ 593.64 ಅಕ್ರಮ ಆಸ್ತಿ ಸಂಪಾದಿಸಿದ್ದಾರೆ ಎಂದು ಅದರಲ್ಲಿ ತಿಳಿಸಿದ್ದರು.

ಈ ಬಗ್ಗೆ ವಿಚಾರಣೆ ನಡೆಸಿದ ಜಿಲ್ಲಾ ವಿಶೇಷ ಲೋಕಯುಕ್ತ ನ್ಯಾಯಾಧೀಶರು ತೀರ್ಪು ಸೋಮವಾರ ತೀರ್ಪು ಪ್ರಕಟಿಸಿದರು. ಪೊಲೀಸ್‌ ಮಂಜುನಾಥ ಅವರು ಸಾಕ್ಷಿದಾರರಿಗೆ ಸರಿಯಾದ ಮಾಹಿತಿ ನೀಡಿದ್ದರು. ಲೋಕಾಯಕ್ತ ವಿಶೇಷ ಅಭಿಯೋಜಕ ಪಿ.ವೈ. ಹಾದಿಮನಿ ಲೋಕಯುಕ್ತ ಪರವಾಗಿ ವಾದ ಮಂಡಿಸಿದ್ದರು.