ಮೂಲಸೌಲಭ್ಯದ ಕೊರತೆ | ನಲುಗುತ್ತಿದೆ ಉದ್ಯಮ: ಕೈಗಾರಿಕೆಗಳಿಗೆ ಟ್ಯಾಂಕರ್‌ ನೀರೇ ಗತಿ

‘ಕೆಐಎಡಿಬಿ’ ಸ್ವಾಧೀನದಲ್ಲಿದ್ದ ಕರೂರು ಕೈಗಾರಿಕಾ ಪ್ರದೇಶ 2024ರ ನವೆಂಬರ್‌ನಲ್ಲಿ ಮಹಾನಗರ ಪಾಲಿಕೆಗೆ ಹಸ್ತಾಂತರವಾಗಿದೆ. ಈ ಪ್ರಕ್ರಿಯೆ ಮುಗಿದ ಬೆನ್ನಲ್ಲೇ ಆಸ್ತಿ ತೆರಿಗೆ ಹಲವು ಪಟ್ಟು ಹೆಚ್ಚಾಗಿದ್ದು ಉದ್ಯಮಿಗಳಲ್ಲಿ ದಿಗಿಲು ಮೂಡಿಸಿದೆ. 1 ಎಕರೆ ಪ್ರದೇಶ ಹೊಂದಿದ ಕೈಗಾರಿಕೆ ಪ್ರತಿ ವರ್ಷ ‘ಕೆಐಎಡಿಬಿ’ಗೆ ₹ 10 ಸಾವಿರ ತೆರಿಗೆ ಪಾವತಿಸುತ್ತಿತ್ತು. ಮಹಾನಗರ ಪಾಲಿಕೆಗೆ ಈಗ ಇದೇ ಕೈಗಾರಿಕೆ ಆಸ್ತಿ ತೆರಿಗೆಯಾಗಿ ಅಂದಾಜು ₹ 1 ಲಕ್ಷ ಪಾವತಿಸಬೇಕಿದೆ. 2024ರ ಏಪ್ರಿಲ್‌ನಿಂದ ತೆರಿಗೆ ಪಾವತಿಸಬೇಕು ಎಂಬ ಪಾಲಿಕೆಯ ಸೂಚನೆ ಉದ್ಯಮಿಗಳನ್ನು ಕೆರಳಿಸಿತ್ತು. ಜಿಲ್ಲಾ ಉಸ್ತುವಾರಿ ಸಚಿವರು ಹಾಗೂ ಜಿಲ್ಲಾಧಿಕಾರಿ ಮಧ್ಯಪ್ರವೇಶದಿಂದ 2025ನೇ ಆರ್ಥಿಕ ವರ್ಷದಿಂದ ಆಸ್ತಿ ತೆರಿಗೆ ಜಾರಿಗೆ ಬಂದಿದೆ.