ಪುಷ್ಕರಣಿಗೆ ದಾಖಲೆ ಪ್ರಮಾಣದ ನೀರು

ದಕ್ಷಿಣ ದಿಕ್ಕಿನ ವಿಶಾಲ ಪ್ರವೇಶ ದ್ವಾರದ ಶಿಲಾ ಹಾಸಿನ ಮೇಲ್ಭಾಗಕ್ಕೆ ನೀರಿನ ಮಟ್ಟ ತಲುಪಿದೆ. ಪ್ರವೇಶ ದ್ವಾರದ ಬಳಿಯೇ ಸಂಗಮವಾಗಿರುವ ಉತ್ತರ, ದಕ್ಷಿಣ ಪ್ರವೇಶ ದ್ವಾರಗಳಲ್ಲಿ ನೀರು ನಿಂತಿರುವುದು ಗ್ರಾಮದ ಹಿರಿಯರಿಗೆ ಅಚ್ಚರಿ ಉಂಟು ಮಾಡಿದೆ. ಇಲ್ಲಿಯವರೆಗೆ ನೀರಿನ ಮಟ್ಟ ತಲುಪಿರುವುದನ್ನು ಕಳೆದ ಅರ್ಧ ಶತಮಾನದಲ್ಲಿ ನೋಡಿಲ್ಲ ಎನ್ನುತ್ತಾರೆ ಕೆ. ಮೂರ್ತಿ.

ಪ್ರವೇಶ ದ್ವಾರದಿಂದ 52 ಮೆಟ್ಟಿಲು ಆಳ ಇದೆ. ನೀರಿನ ನಡುವಿರುವ ಕಲಾತ್ಮಕ ವಸಂತ ಮಂಟಪದ ಮೂರು ಅಂತಸ್ತು ಮುಳುಗಿವೆ. ಉಯ್ಯಾಲೆ ಮಂಟಪ, ಗೋಪುರ ಮಂಟಪಗಳು ಮಾತ್ರ ಗೋಚರಿಸುತ್ತಿವೆ.