ಈ ಮೊದಲು ಇದ್ದ ವಿಮಾನ ನಿಲ್ದಾಣದ ಕಚೇರಿಯ ಕಟ್ಟಡದಲ್ಲಿ ಕಾರ್ಗೊ ಕಚೇರಿ ನಿರ್ಮಾಣ ಮಾಡುವ ಕೆಲಸ ಭರದಿಂದ ಸಾಗಿದೆ. ಇದರಿಂದ ಸರಕು ಸೌಲಭ್ಯಗಳನ್ನು ವೇಗವಾಗಿ ಬೇರೆ ಊರುಗಳಿಗೆ ಕಳುಹಿಸಲು, ಬೇರೆ ಊರುಗಳಿಂದ ಇಲ್ಲಿಗೆ ತರಿಸಿಕೊಳ್ಳಲು ಅನುಕೂಲವಾಗಲಿದೆ. ಕಚೇರಿ ನಿರ್ಮಾಣ ಇದೇ ವರ್ಷದ ಡಿಸೆಂಬರ್ ಅಂತ್ಯದ ವೇಳೆಗೆ ಪೂರ್ಣಗೊಳ್ಳಲಿದ್ದು, ಹೊಸ ವರ್ಷಕ್ಕೆ ಕಾರ್ಗೊ ಸೌಲಭ್ಯ ಸಿಗಲಿದೆ. ಇದರಿಂದ ಇಲ್ಲಿನ ಕೈಗಾರಿಕೆಗಳು ಮತ್ತು ಉದ್ಯಮಿಗಳಿಗೆ ಅನುಕೂಲವಾಗಲಿದೆ.