ಕಲಘಟಗಿ: ಪೋಷಕರು ತಮ್ಮ ಮಕ್ಕಳನ್ನು ಶಾಲೆಗೆ ದಾಖಲಿಸಿ ಶೈಕ್ಷಣಿಕ ಅಭಿವೃದ್ಧಿಗೆ ಸಹಕರಿಸಬೇಕು ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಉಮಾದೇವಿ ಬಸಾಪುರ ಹೇಳಿದರು.
ತಾಲ್ಲೂಕಿನ ಜಿ. ಬಸವನಕೊಪ್ಪ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಾಲಾ ಪ್ರಾರಂಭೋತ್ಸವಕ್ಕೆ ಚಾಲನೆ ನೀಡಿ ಮಾತನಾಡಿ ‘ಸರ್ಕಾರ ಶಾಲಾ ಗುಣಮಟ್ಟ ಹೆಚ್ಚಿಸುವ ಹಾಗೂ ವಿದ್ಯಾರ್ಥಿಗಳನ್ನು ಸೆಳೆಯುವ ಉದ್ದೇಶದಿಂದ ಹಲವು ಯೋಜನೆ ಜಾರಿಗೆ ತರುತ್ತಿದೆ. ಇದರ ಪ್ರಯೋಜನ ಆಗಬೇಕು’ ಎಂದರು.
ದೈಹಿಕ ಪರಿವೀಕ್ಷಕ ಗುರುರಾಜ ಎಚ್., ಶಾಲೆ ಮುಖ್ಯ ಶಿಕ್ಷಕ ಎಸ್.ಡಿ ಸಿದ್ದಾಪುರ, ವೀರನಗೌಡ ಹೊಸಮನಿ, ಹನುಮಂತಪ್ಪ ಹೊನ್ನಾಪುರ,ಜೆ. ಬಿ ಉಪರಿ,ನಿಜಾಮ ಕಲ್ಲೇದ, ಪ್ರಶಾಂತ ರಡ್ಡೆರ ಇದ್ದರು.
