ಧಾರವಾಡ: ಲೋಕಸಭಾ ಚುನಾವಣೆಗೆ ಮೊದಲ ಬಾರಿಗೆ ಸ್ಪರ್ಧಿಸುತ್ತಿರುವ ಧಾರವಾಡ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ವಿನೋದ್‌ ಅಸೂಟಿ ಅವರು ಒಟ್ಟು ₹ 16.11 ಕೋಟಿ ಆಸ್ತಿ ಹೊಂದಿದ್ದಾರೆ.
ಅವರ ಹೆಸರಿನಲ್ಲಿ 11 ವಾಹನಗಳು (ಒಂಬತ್ತು ಟಿಪ್ಪರ್‌, ಹಿಟಾಚಿ, ಜೆಸಿಬಿ ಲೋಡರ್‌ ಮತ್ತು ಕಾರು ತಲಾ 1) ಇವೆ. ಸಾಲ ₹ 4.50 ಕೋಟಿ ಇದೆ. ವಿನೋದ್‌ ಅವರ ಬಳಿ ಚಿನ್ನ 350 ಗ್ರಾ ಇದ್ದರೆ, ಅವರ ಪತ್ನಿ ಬಳಿ 50 ಗ್ರಾಂ ಚಿನ್ನ ಇದೆ.
ಪತ್ನಿ ವಸುಂಧರಾ ಹೆಸರಿನಲ್ಲಿ ₹ 3.48 ಲಕ್ಷ ಮೌಲ್ಯದ ಚರಾಸ್ತಿ ಇದೆ ಎಂದು ನಾಮಪತ್ರದ ಜೊತೆ ಸಲ್ಲಿಸಿರುವ ಪ್ರಮಾಣಪತ್ರದಲ್ಲಿ ವಿವರ ಘೋಷಿಸಿಕೊಂಡಿದ್ದಾರೆ.
