ಗಣಿತ ಕಲಿಕೆಗೆ ‘ಬಿಲ್ಡಿಂಗ್ ಬ್ಲಾಕ್’ ಆ್ಯಪ್‌ ಬಿಡುಗಡೆ

ಸಮೀಪದ ಬೆಣಚಿ ಗ್ರಾಮದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು, ಮಕ್ಕಳ ಗಣಿತ ಕಲಿಕೆಯಲ್ಲಿ ಪ್ರಯೋಗಶೀಲ ಕ್ರಾಂತಿ ಮೂಡಿಸಲು ಹಾಗೂ ಗಣಿತದ ಮೂಲ ಪಾಠ ಕಲಿಯಲು ಇದು ಸಹಕಾರಿಯಾಗಿದೆ ಎಂದರು.

ಮಕ್ಕಳಿಗಾಗಿಯೇ ತಂದಿರುವ ಈ ಪ್ರಯೋಗಾತ್ಮಕ ಆ್ಯಪ್‌ ಎಲ್ಲಾ ಆಂಡ್ರಾಯ್ಡ್ ಮೊಬೈಲ್‌ಗಳಲ್ಲಿ ಲಭ್ಯವಿರಲಿದೆ. ಇದು ತರಗತಿಯಲ್ಲಿ ಕಲಿಸುವ ಪರಿಕಲ್ಪನೆಗಳನ್ನು ಬಲಪಡಿಸುತ್ತದೆ. ಸಾಂಪ್ರದಾಯಿಕ ಕಲಿಕೆಗೆ ವಿಭಿನ್ನವಾಗಿ ಈ ಆ್ಯಪ್‌ ಸಿದ್ಧಪಡಿಸಲಾಗಿದೆ ಎಂದರು.

ಶಾಲಾ ಪಠ್ಯಕ್ರಮದ ಜೊತೆ ಗಣಿತದ ಪ್ರಮುಖ ಪರಿಕಲ್ಪನೆಗಳನ್ನು ಮಕ್ಕಳ ಅಭಿರುಚಿಗೆ ತಕ್ಕಂತೆ, ಕಲಿಕೆಯನ್ನು ಆಸಕ್ತಿದಾಯಕವಾಗಿ ಹಾಗೂ ಮೋಜಿನಿಂದ ಕೂಡಿರುವಂತೆ ಈ ಅಪ್ಲಿಕೇಷನ್‌ ಸಿದ್ಧಪಡಿಸಲಾಗಿದೆ ಎಂದರು.

ಈ ಅಪ್ಲಿಕೇಶನ್ ಸಂಪೂರ್ಣ ಉಚಿತ. ಇದಕ್ಕೆ ಯಾವುದೇ ಶುಲ್ಕ ಪಾವತಿಸಬೇಕಾಗಿಲ್ಲ. ಮಕ್ಕಳಿಗೂ ಯಾವುದೇ ಆರ್ಥಿಕ ಅಡೆತಡೆಗಳು ಎದುರಾಗದೇ ಗಣಿತದಲ್ಲಿ ಪರಿಣಿತರಾಗಬೇಕು
ಎಂಬ ಉದ್ದೇಶ ನಮ್ಮದು ಎಂದರು.