ಶನಿವಾರ, ಅಕ್ಟೋಬರ್ 31, 2020
19 °C

ಹುಬ್ಬಳ್ಳಿಯಲ್ಲಿ ಬಿಟ್ಟೂಬಿಡದೆ ಸುರಿಯುತ್ತಿರುವ ಮಳೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹುಬ್ಬಳ್ಳಿ: ಎರಡು ದಿನಗಳಿಂದ ನಗರದಲ್ಲಿ ಮೇಲಿಂದ ಮೇಲೆ ಮಳೆ ಸುರಿಯುತ್ತಿದೆ. ಶುಕ್ರವಾರ ರಾತ್ರಿ ಆರಂಭವಾದ ಮಳೆ ಶನಿವಾರ ಬೆಳಿಗ್ಗೆಯೂ ಮುಂದುವರದಿದೆ. ರಾತ್ರಿ ಪೂರ್ತಿ ಮಳೆ ಬಂದಿದೆ.

ಇದರಿಂದಾಗಿ ವಾಣಿಜ್ಯ ನಗರಿ‌ ಮಲೆನಾಡು ಆದಂತಾಗಿದೆ. ಶುಕ್ರವಾರ ಬೆಳಿಗ್ಗೆಯಿಂದಲೇ ಮೋಡ ಕವಿದ ವಾತಾವರಣವಿತ್ತು. ಆಗಾಗ ಮಳೆ ಬಂದು, ಬಳಿಕ ಬಿಸಿಲು ಬೀಳುತ್ತಿತ್ತು. ಸಂಜೆಯಿಂದ ಮಳೆ ನಿರಂತರವಾಗಿದೆ.

ಹುಬ್ಬಳ್ಳಿ ಗ್ರಾಮೀಣ ತಾಲ್ಲೂಕಿನ ಬ್ಯಾಹಟ್ಟಿ, ಕುಸುಗಲ್, ನೂಲ್ವಿ, ಅದರಗುಂಚಿ ಸೇರಿದಂತೆ ಹಲವು ಗ್ರಾಮಗಳಲ್ಲಿ ಮಳೆಯಾಗಿದೆ. ಇದರಿಂದ ಪತ್ರಿಕೆ ‌ಹಂಚುವ ಹುಡುಗರು, ಹಾಲು ಹಾಕುವವರು ತರಕಾರಿ ವ್ಯಾಪಾರಿಗಳು ನಿತ್ಯದ ಕಾಯಕಕ್ಕೆ ಪರದಾಡಬೇಕಾಯಿತು.

ಉಣಕಲ್ ಕೆರೆ ಪಾರ್ಕ್, ನೃಪತುಂಗ ಬೆಟ್ಟ, ನೆಹರೂ ಮೈದಾನ, ರೈಲ್ವೆ ಮೈದಾನ, ಕುಂಭಕೋಣಂ ಪ್ಲಾಂಟ್ ಹೀಗೆ ಪ್ರಮುಖ ಸ್ಥಳಗಳಲ್ಲಿ ಜನ ನಿತ್ಯ ಬೆಳಿಗ್ಗೆ ವಾಕಿಂಗ್ ಮಾಡಲು ಬರುತ್ತಿದ್ದರು. ಮಳೆಯ ಕಾರಣ ಎಲ್ಲಿಯೂ ಜನ ಕಾಣಿಸಲಿಲ್ಲ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು