ಇಲ್ಲಿನ ರೈಲ್ವೆ ನಿಲ್ದಾಣದಿಂದ ಹೊರಟ ಶಾಲಿಮಾರ್- ವಾಸ್ಕೋಡಿಗಾಮಾ ರೈಲಿಗೆ ವ್ಯಕ್ತಿ ಸಿಲುಕಿದ್ದಾನೆ. ಹಳಿ ಮೇಲೆ ಆತ ಇರುವುದನ್ನು ದೂರದಲ್ಲೇ ಗಮನಿಸಿದ ಲೋಕೊಪೈಲಟ್ ಹಾರ್ನ್ ಮಾಡಿದರೂ ವ್ಯಕ್ತಿ ಪಕ್ಕಕ್ಕೆ ಸರಿದಿಲ್ಲ. ನಂತರ ಅವರು ರೈಲನ್ನು ನಿಲುಗಡೆ ಮಾಡಿದರೂ, ವ್ಯಕ್ತಿಯ ಕಾಲುಗಳ ಮೇಲೆ ಎಂಜಿನ್ ಸೇರಿದಂತೆ ಎರಡ್ಮೂರು ಬೋಗಿಗಳ ಗಾಲಿಗಳು ಹತ್ತಿವೆ. ಮೇಲ್ನೋಟಕ್ಕೆ ವ್ಯಕ್ತಿ ಆತ್ಮಹತ್ಯೆಗೆ ಯತ್ನಿಸಿರುವ ಶಂಕೆ ಇದೆ ಎಂದು ಪೊಲೀಸರು ತಿಳಿಸಿದರು.
