ಕಲಾವಿದರು ಜನದಟ್ಟಣೆ ಇರುವೆಡೆ, ಫ್ಯಾನ್ಸಿ ಸ್ಟೋರ್ಗಳ ಮುಂದೆ ಕಡಿಮೆ ಸಮಯದಲ್ಲಿ ವಿವಿಧ ವಿನ್ಯಾಸದ ಚಿತ್ತಾರ ಮೂಡಿಸಿ ಗ್ರಾಹಕರಿಗೆ ಖುಷಿ ನೀಡುತ್ತಿದ್ದರು. ಬಾಂಬೆಕಟ್, ಹೆನ್ನಾ ಕಟ್, ಬ್ರೈಡರ್, ರಾಜಸ್ಥಾನಿ, ಮಾರ್ವಾಡಿ, ಇಂಡಿಯನ್, ಅರೇಬಿಕ್ ಹೀಗೆ ಅನೇಕ ಶೈಲಿಯ ಮದರಂಗಿ ಹಾಕುತ್ತಿದ್ದರು. ಮೆಹಂದಿ ಹಾಕಲು ದೊಡ್ಡ ಅಂಗಡಿಗಳು ನಗರದಲ್ಲಿ ಸಾಕಷ್ಟಿದ್ದರೂ ರಸ್ತೆ ಬದಿ ಸಾಮಾನ್ಯ ಜನರ ಕೈಗೆಟುಕುವ ಬೆಲೆಯಲ್ಲಿ ಮೆಹಂದಿ ಹಾಕುತ್ತಿದ್ದ ಕಲಾವಿದರಿಗೇ ಹೆಚ್ಚು ಬೇಡಿಕೆಯಿತ್ತು.