ಗಜೇಂದ್ರಗಡ: ಬಿರುಗಾಳಿ, ಮಳೆ: ಧರೆಗುರುಳಿದ ಮರ

ಮಧ್ಯಾಹ್ನ 2 ಗಂಟೆಗೆ ಆರಂಭವಾದ ಬಿರುಗಾಳಿ ಸಹಿತ ಮಳೆ ರಾಜೂರ, ದಿಂಡೂರ, ಲಕ್ಕಲಕಟ್ಟಿ ಗ್ರಾಮಗಳು ಸೇರಿದಂತೆ ಹಲವು ಗ್ರಾಮಗಳಲ್ಲಿ ರಭಸವಾಗಿ ಸುರಿಯಿತು. ಗಜೇಂದ್ರಗಡ ಪಟ್ಟಣದಲ್ಲಿ ಮೋಡ ಕವಿದ ವಾತಾವರಣ ನಿರ್ಮಾಣವಾಗಿದ್ದರೂ, ಮಳೆ ಸುಳಿಯಲಿಲ್ಲ.

ಸಮೀಪದ ಲಕ್ಕಲಕಟ್ಟಿ ಗ್ರಾಮದಲ್ಲಿ ಬಿರುಗಾಳಿಗೆ ಗಿಡಗಳು ಧರೆಗುರುಳಿದ್ದು, ಹಲವು ಶೆಡ್‌ಗಳಿಗೆ ಹಾನಿಯಾಗಿದೆ. ಗ್ರಾಮದ ನಿಂಗಪ್ಪ ರಾಮಪ್ಪ ಬೆನಕನವಾರಿ ಅವರ ಜಮೀನಲ್ಲಿ ಮಳೆ-ಗಾಳಿಗೆ ಗಿಡಗಳು ಧರೆಗುರುಳಿದ್ದು, ಜಮೀನಿನಲ್ಲಿದ್ದ ಶೆಡ್‌ಗೆ ಹಾನಿಯಾಗಿದೆ.