<p>ಯಾವಾಗಲಾದರೊಮ್ಮೆ ಅವನು<br /> ತನ್ನ ಕಡುಗೆಂಪು ಕಮಲದಳಗಳಂಥ<br /> ಮುದ್ದು ಧಿಮಾಕು ತುಟಿ ಚಾಚಿ<br /> ಈಗಲಾದರೂ<br /> ಆಗಬಾರದ್ದು ಆಗಿಹೋಗಲೆಂಬಂತೆ<br /> ಘನಗಂಭೀರವಾಗಿ ಹುಬ್ಬು ಮೇಲೆತ್ತಿ ನೋಡಲಾಗಿ<br /> ತಕ್ಷಣ ಅವನ ಕೊರಳು ಬಳಸಿ<br /> ಶತಮಾನಗಳ ಕಾಲ ಜೋತುಬೀಳುವಂಥ<br /> ನಿತ್ರಾಣದ<br /> ಪ್ರೀತಿಯಾಗಿಬಿಡುತ್ತದೆ<br /> ನನಗೆ</p>.<p>ಛೆ..!!<br /> ಅಷ್ಟೂ ಗೊತ್ತಾಗುವುದಿಲ್ಲವೇ ನಿನಗೆ..?<br /> ಅವನು ಸಿಟ್ಟಿನಲ್ಲಿದ್ದಾನೆ<br /> ಇನ್ಯಾರದ್ದೋ ಪ್ರೀತಿಯ ನಿರಾಕರಿಸುತ್ತಿದ್ದಾನೆ<br /> ಪುರುಸೊತ್ತೇ ಇಲ್ಲವೆಂದು<br /> ಮತ್ಯಾರನ್ನೋ ದೂರವಿಡುತ್ತಿದ್ದಾನೆ<br /> ಮೂರು ಹೊತ್ತೂ ಸುಡುವ ಪ್ರೇಮದ ಬೆನ್ನುಬಿದ್ದ ನಿನಗೆ<br /> ಗೊತ್ತೇ ಆಗುವುದಿಲ್ಲ<br /> ಈಗ ಅವನು ದುಃಖದಲ್ಲಿದ್ದಾನೆ ಅಥವಾ<br /> ಗಹನ ಚಿಂತನೆಯಲ್ಲಿ</p>.<p>ಪೂರ್ತಿ ಹಾಳಾದ ಈ ಲೋಕದಲ್ಲಿ<br /> ಇದ್ದವರು ಎರಡೇ ರೀತಿಯ ಜನ<br /> ಕುಳಿತುಬಿಟ್ಟಿದ್ದಾರೆ ಪಟ್ಟು ಹಿಡಿದು<br /> ಇರುವುದನ್ನು ಇಲ್ಲ ಎಂದೂ<br /> ಇಲ್ಲದಿರುವುದನ್ನು ಇದೆ ಎಂದೂ<br /> ಸಾಧಿಸುತ್ತ</p>.<p>ಆಗಷ್ಟೆ ರುಬ್ಬಿದ<br /> ತಾಜಾ ಕೆಂಪು ಖಾರದಂತಹ<br /> ಚೆರ್ರೀರಸ ತೊಟ್ಟಿಕ್ಕಿದಂತಹ<br /> ಕಳಿತ ಕಲ್ಲಂಗಡಿಯ ತಿರುಳಿನಂತಹ<br /> ಅಧರಗಳು ಅವನವು-<br /> ನಾಲ್ಕು ರಸ್ತೆ ಕೂಡಿದಲ್ಲಿ ಮತ್ತೆ ನಾನು<br /> ಹುಬೇಹೂಬು ಬಣ್ಣಿಸುತ್ತಿದ್ದರೆ<br /> ಹೆದರಿಕೊಳ್ಳುತ್ತಿದ್ದಾರೆ ಸೇರಿದವರು<br /> ಬಾಯಿ ಮುಚ್ಚಿಸಲು ದಾರಿ ಹುಡುಕುತ್ತಾರೆ<br /> ಸಾಕು ಸುಮ್ಮನಿರಿಸಿ ಇವಳನ್ನು<br /> ಇದ್ಯಾಕೋ ಅತಿಯಾಯಿತು ಎಂದು<br /> ಕರೆಕೊಟ್ಟು ದಿಕ್ಕಾಪಾಲಾಗಿದ್ದಾರೆ</p>.<p>ಕೇಡುಗಾಲ ಬಂದಂತೆ ಬಿಳಿಚಿ<br /> ಮಟಮಟ ಮಧ್ಯಾಹ್ನವೇ ಓಡಿಹೋದ ಈ<br /> ಇವರು ಬಾಡಿ ಬಸವಳಿದ<br /> ತೊಂಡೆಹಣ್ಣಿನಂತಹ ಹೆಣ್ಣಿನ ಅಧರದ<br /> ಕುರಿತಾಗಿ ಮಾತ್ರ ಬಲ್ಲಿದರು<br /> ಕತ್ತಿಯೋ ಕುಡುಗೋಲೋ ಕೇಳುತ್ತಿದ್ದಾರೆ<br /> ಕಟ್ಬಾಕಿ ಉಳಿದವರು<br /> ಹಲ್ಕಾ ಹಾದರಗಿತ್ತಿ ಹೆಣ್ಣಿವಳು<br /> ಮೂರನ್ನೂ ಬಿಟ್ಟು ಈ ನಡುರಸ್ತೆಯಲ್ಲಿ<br /> ಓರ್ವ ಪುರುಷನ ಕುರಿತಾಗಿ ಹೀಗೆಲ್ಲ<br /> ಕವಿತೆ ಓದುತ್ತಿರುವವಳು<br /> ಬಿಟ್ಟರೆ ಒಂದಲ್ಲ ಒಂದು ದಿನ<br /> ಯಾವುದಕ್ಕೂ ಹೇಸದ<br /> ಸಾಧ್ಯತೆ ಇರುವವಳು</p>.<p>ದಯವಿಟ್ಟು ಕೇಳಿ<br /> ಕೆಂಪಗಿನ ಅಧರಗಳ ಜೊತೆ<br /> ಸಂತೈಸುವ ಎದೆಯನ್ನೂ ಹೊಂದಿರುವ<br /> ಆತ ಓರ್ವ ಅಪ್ಪನೂ ಅಹುದು<br /> ಅದೇ ತುಟಿಯಿಂದ ಆಗಾಗ ಮುದ್ದಿಸಿರುತ್ತಾನೆ<br /> ಮಗಳ ಮುಂಗುರುಗಳನ್ನು<br /> ಕೂಟ ಮುಗಿದ ಮೇಲೆ ಬೆವರಿದ ಪತ್ನಿಯ ನೊಸಲನ್ನು<br /> ವಿದಾಯದ ಗಳಿಗೆಯಲ್ಲಿ ಸಹೋದರಿಯ ಬೈತಲೆಯನ್ನು<br /> ಅವ್ವ ಸತ್ತಾಗ ತುತ್ತಿಟ್ಟ ಅಂಗೈಯನು<br /> ಅಪರೂಪಕ್ಕೊಮ್ಮೆ ನಡುಗುತ್ತ ನನ್ನಂತಹ<br /> ಪ್ರೇಯಸಿಯ ಗುಲಾಬಿ ಕೆನ್ನೆಯನ್ನು<br /> ಇಷ್ಟಕ್ಕೇ...<br /> ರಾತ್ರಿ ಯಾರು ಯಾರೆಲ್ಲ<br /> ಬಂದುಹೋಗುತ್ತಾರೆಂದು ಗಟ್ಟಿಸಿ</p>.<p>ಕೇಳಿಬಿಟ್ಟಿರಿ ನೀವು<br /> ಮೂಗು ಕೊಯ್ದು ಊರೆಲ್ಲ ರಕ್ತದ ಹನಿ<br /> ಬಿತ್ತುವ ದಿನಾಂಕವನ್ನೂ ಘೋಷಿಸಿಬಿಟ್ಟಿರಿ<br /> ನೀವು</p>.<p>ದಯವಿಟ್ಟು ನಿಮ್ಮ ಕೆಲಸದ ಕಡೆ<br /> ಲಕ್ಷ್ಯ ಕೊಡಿ<br /> ಅವನನ್ನು ನನ್ನಷ್ಟಕ್ಕೆ ಬಿಟ್ಟುಬಿಡಿ</p>.<p>ಕಾಲಾಂತರದಲ್ಲಿ<br /> ನನಗೂ ಇವರಿಗೂ ಮುಗಿಯದ<br /> ಈ ಇದು ಹೀಗೇ ಸಾಗಲಾಗಿ<br /> ಕೊನೆಗೊಮ್ಮೆ<br /> ನನ್ನ ಧ್ವನಿ ಉಡುಗಿ<br /> ಅವರ ಕೈಯೇ ಮೇಲಾಗಿ<br /> ದೀಪವಾರಿದ ಮೇಲಿನ ಒಂಟಿಕೋಣೆಯ<br /> ಸಂದಿಯಲ್ಲಿ ನಾನೊಬ್ಬಳೇ ಓದಲೆಂದು<br /> ಕಟ್ಟಿಕೊಟ್ಟರು ಪೊಟ್ಟಣದಲ್ಲಿ<br /> ಒಂದಿಷ್ಟು ಖಡಕ್ಕಾದ ಹುರಿದ ಮಾತು-<br /> ಕಾಲ ಮಿಂಚಿಲ್ಲ<br /> ಈಗಲೂ<br /> ನಿನಗಿರುವುದು ಎರಡೇ ಆಯ್ಕೆ</p>.<p>ಎಲ್ಲ ಮರೆತು<br /> ಮೊನ್ನೆ ಸತ್ತವಳ ಎರಡು ಬೊಗಸೆ ಬೂದಿಯ<br /> ಕುರಿತಾಗಿ ಉಘೇ ಉಘೇ ಎಂಬಂತಹ ಒಂದು ಕವಿತೆ<br /> ಇಲ್ಲಾ ಸಾಮೂಹಿಕ ಆತ್ಮಾರ್ಪಣೆಯ<br /> ಕುರಿತಾಗಿ ಒಂದು ನಿಗಿ ನಿಗಿ ಕಥೆ<br /> ಬರೆಯಬಲ್ಲೆಯಾದರೆ</p>.<p>ಈಗಲೂ ನಿನಗೆ ಮಾಫಿಯಿದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಯಾವಾಗಲಾದರೊಮ್ಮೆ ಅವನು<br /> ತನ್ನ ಕಡುಗೆಂಪು ಕಮಲದಳಗಳಂಥ<br /> ಮುದ್ದು ಧಿಮಾಕು ತುಟಿ ಚಾಚಿ<br /> ಈಗಲಾದರೂ<br /> ಆಗಬಾರದ್ದು ಆಗಿಹೋಗಲೆಂಬಂತೆ<br /> ಘನಗಂಭೀರವಾಗಿ ಹುಬ್ಬು ಮೇಲೆತ್ತಿ ನೋಡಲಾಗಿ<br /> ತಕ್ಷಣ ಅವನ ಕೊರಳು ಬಳಸಿ<br /> ಶತಮಾನಗಳ ಕಾಲ ಜೋತುಬೀಳುವಂಥ<br /> ನಿತ್ರಾಣದ<br /> ಪ್ರೀತಿಯಾಗಿಬಿಡುತ್ತದೆ<br /> ನನಗೆ</p>.<p>ಛೆ..!!<br /> ಅಷ್ಟೂ ಗೊತ್ತಾಗುವುದಿಲ್ಲವೇ ನಿನಗೆ..?<br /> ಅವನು ಸಿಟ್ಟಿನಲ್ಲಿದ್ದಾನೆ<br /> ಇನ್ಯಾರದ್ದೋ ಪ್ರೀತಿಯ ನಿರಾಕರಿಸುತ್ತಿದ್ದಾನೆ<br /> ಪುರುಸೊತ್ತೇ ಇಲ್ಲವೆಂದು<br /> ಮತ್ಯಾರನ್ನೋ ದೂರವಿಡುತ್ತಿದ್ದಾನೆ<br /> ಮೂರು ಹೊತ್ತೂ ಸುಡುವ ಪ್ರೇಮದ ಬೆನ್ನುಬಿದ್ದ ನಿನಗೆ<br /> ಗೊತ್ತೇ ಆಗುವುದಿಲ್ಲ<br /> ಈಗ ಅವನು ದುಃಖದಲ್ಲಿದ್ದಾನೆ ಅಥವಾ<br /> ಗಹನ ಚಿಂತನೆಯಲ್ಲಿ</p>.<p>ಪೂರ್ತಿ ಹಾಳಾದ ಈ ಲೋಕದಲ್ಲಿ<br /> ಇದ್ದವರು ಎರಡೇ ರೀತಿಯ ಜನ<br /> ಕುಳಿತುಬಿಟ್ಟಿದ್ದಾರೆ ಪಟ್ಟು ಹಿಡಿದು<br /> ಇರುವುದನ್ನು ಇಲ್ಲ ಎಂದೂ<br /> ಇಲ್ಲದಿರುವುದನ್ನು ಇದೆ ಎಂದೂ<br /> ಸಾಧಿಸುತ್ತ</p>.<p>ಆಗಷ್ಟೆ ರುಬ್ಬಿದ<br /> ತಾಜಾ ಕೆಂಪು ಖಾರದಂತಹ<br /> ಚೆರ್ರೀರಸ ತೊಟ್ಟಿಕ್ಕಿದಂತಹ<br /> ಕಳಿತ ಕಲ್ಲಂಗಡಿಯ ತಿರುಳಿನಂತಹ<br /> ಅಧರಗಳು ಅವನವು-<br /> ನಾಲ್ಕು ರಸ್ತೆ ಕೂಡಿದಲ್ಲಿ ಮತ್ತೆ ನಾನು<br /> ಹುಬೇಹೂಬು ಬಣ್ಣಿಸುತ್ತಿದ್ದರೆ<br /> ಹೆದರಿಕೊಳ್ಳುತ್ತಿದ್ದಾರೆ ಸೇರಿದವರು<br /> ಬಾಯಿ ಮುಚ್ಚಿಸಲು ದಾರಿ ಹುಡುಕುತ್ತಾರೆ<br /> ಸಾಕು ಸುಮ್ಮನಿರಿಸಿ ಇವಳನ್ನು<br /> ಇದ್ಯಾಕೋ ಅತಿಯಾಯಿತು ಎಂದು<br /> ಕರೆಕೊಟ್ಟು ದಿಕ್ಕಾಪಾಲಾಗಿದ್ದಾರೆ</p>.<p>ಕೇಡುಗಾಲ ಬಂದಂತೆ ಬಿಳಿಚಿ<br /> ಮಟಮಟ ಮಧ್ಯಾಹ್ನವೇ ಓಡಿಹೋದ ಈ<br /> ಇವರು ಬಾಡಿ ಬಸವಳಿದ<br /> ತೊಂಡೆಹಣ್ಣಿನಂತಹ ಹೆಣ್ಣಿನ ಅಧರದ<br /> ಕುರಿತಾಗಿ ಮಾತ್ರ ಬಲ್ಲಿದರು<br /> ಕತ್ತಿಯೋ ಕುಡುಗೋಲೋ ಕೇಳುತ್ತಿದ್ದಾರೆ<br /> ಕಟ್ಬಾಕಿ ಉಳಿದವರು<br /> ಹಲ್ಕಾ ಹಾದರಗಿತ್ತಿ ಹೆಣ್ಣಿವಳು<br /> ಮೂರನ್ನೂ ಬಿಟ್ಟು ಈ ನಡುರಸ್ತೆಯಲ್ಲಿ<br /> ಓರ್ವ ಪುರುಷನ ಕುರಿತಾಗಿ ಹೀಗೆಲ್ಲ<br /> ಕವಿತೆ ಓದುತ್ತಿರುವವಳು<br /> ಬಿಟ್ಟರೆ ಒಂದಲ್ಲ ಒಂದು ದಿನ<br /> ಯಾವುದಕ್ಕೂ ಹೇಸದ<br /> ಸಾಧ್ಯತೆ ಇರುವವಳು</p>.<p>ದಯವಿಟ್ಟು ಕೇಳಿ<br /> ಕೆಂಪಗಿನ ಅಧರಗಳ ಜೊತೆ<br /> ಸಂತೈಸುವ ಎದೆಯನ್ನೂ ಹೊಂದಿರುವ<br /> ಆತ ಓರ್ವ ಅಪ್ಪನೂ ಅಹುದು<br /> ಅದೇ ತುಟಿಯಿಂದ ಆಗಾಗ ಮುದ್ದಿಸಿರುತ್ತಾನೆ<br /> ಮಗಳ ಮುಂಗುರುಗಳನ್ನು<br /> ಕೂಟ ಮುಗಿದ ಮೇಲೆ ಬೆವರಿದ ಪತ್ನಿಯ ನೊಸಲನ್ನು<br /> ವಿದಾಯದ ಗಳಿಗೆಯಲ್ಲಿ ಸಹೋದರಿಯ ಬೈತಲೆಯನ್ನು<br /> ಅವ್ವ ಸತ್ತಾಗ ತುತ್ತಿಟ್ಟ ಅಂಗೈಯನು<br /> ಅಪರೂಪಕ್ಕೊಮ್ಮೆ ನಡುಗುತ್ತ ನನ್ನಂತಹ<br /> ಪ್ರೇಯಸಿಯ ಗುಲಾಬಿ ಕೆನ್ನೆಯನ್ನು<br /> ಇಷ್ಟಕ್ಕೇ...<br /> ರಾತ್ರಿ ಯಾರು ಯಾರೆಲ್ಲ<br /> ಬಂದುಹೋಗುತ್ತಾರೆಂದು ಗಟ್ಟಿಸಿ</p>.<p>ಕೇಳಿಬಿಟ್ಟಿರಿ ನೀವು<br /> ಮೂಗು ಕೊಯ್ದು ಊರೆಲ್ಲ ರಕ್ತದ ಹನಿ<br /> ಬಿತ್ತುವ ದಿನಾಂಕವನ್ನೂ ಘೋಷಿಸಿಬಿಟ್ಟಿರಿ<br /> ನೀವು</p>.<p>ದಯವಿಟ್ಟು ನಿಮ್ಮ ಕೆಲಸದ ಕಡೆ<br /> ಲಕ್ಷ್ಯ ಕೊಡಿ<br /> ಅವನನ್ನು ನನ್ನಷ್ಟಕ್ಕೆ ಬಿಟ್ಟುಬಿಡಿ</p>.<p>ಕಾಲಾಂತರದಲ್ಲಿ<br /> ನನಗೂ ಇವರಿಗೂ ಮುಗಿಯದ<br /> ಈ ಇದು ಹೀಗೇ ಸಾಗಲಾಗಿ<br /> ಕೊನೆಗೊಮ್ಮೆ<br /> ನನ್ನ ಧ್ವನಿ ಉಡುಗಿ<br /> ಅವರ ಕೈಯೇ ಮೇಲಾಗಿ<br /> ದೀಪವಾರಿದ ಮೇಲಿನ ಒಂಟಿಕೋಣೆಯ<br /> ಸಂದಿಯಲ್ಲಿ ನಾನೊಬ್ಬಳೇ ಓದಲೆಂದು<br /> ಕಟ್ಟಿಕೊಟ್ಟರು ಪೊಟ್ಟಣದಲ್ಲಿ<br /> ಒಂದಿಷ್ಟು ಖಡಕ್ಕಾದ ಹುರಿದ ಮಾತು-<br /> ಕಾಲ ಮಿಂಚಿಲ್ಲ<br /> ಈಗಲೂ<br /> ನಿನಗಿರುವುದು ಎರಡೇ ಆಯ್ಕೆ</p>.<p>ಎಲ್ಲ ಮರೆತು<br /> ಮೊನ್ನೆ ಸತ್ತವಳ ಎರಡು ಬೊಗಸೆ ಬೂದಿಯ<br /> ಕುರಿತಾಗಿ ಉಘೇ ಉಘೇ ಎಂಬಂತಹ ಒಂದು ಕವಿತೆ<br /> ಇಲ್ಲಾ ಸಾಮೂಹಿಕ ಆತ್ಮಾರ್ಪಣೆಯ<br /> ಕುರಿತಾಗಿ ಒಂದು ನಿಗಿ ನಿಗಿ ಕಥೆ<br /> ಬರೆಯಬಲ್ಲೆಯಾದರೆ</p>.<p>ಈಗಲೂ ನಿನಗೆ ಮಾಫಿಯಿದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
