ಕೃಷಿ–ಖುಷಿ: ಬೀಜೋತ್ಪಾದನೆಯಲ್ಲಿ ಆದಾಯ ಕಂಡ ಮುಂಡರಗಿಯ ರೈತ

ಬೀಜೋತ್ಪಾದನೆಯಲ್ಲಿ ಅಪಾರ ಲಾಭ ಬರುತ್ತಿರುವುದರಿಂದ ಮಜ್ಜಿಗಿ ಅವರು ಈಗ ತಮ್ಮ ಜಮೀನಿನ ಜೊತೆಗೆ ಅನ್ಯರ ಜಮೀನನ್ನು ಗುತ್ತಿಗೆ ಪಡೆದು ಅದರಲ್ಲಿ ಬೀಜೋತ್ಪಾದನೆ ಮಾಡುತ್ತಿದ್ದಾರೆ. ಹಗರಿಬೊಮ್ಮನಹಳ್ಳಿ ಹೂವಿನಹಡಗಲಿ ಮೊದಲಾದ ತಾಲ್ಲೂಕುಗಳಿಗೆ ಅವರು ತಮ್ಮ ವ್ಯವಸಾಯವನ್ನು ವಿಸ್ತರಿಸಿದ್ದಾರೆ. ಈಚೆಗೆ ತಾಲ್ಲೂಕಿನ ಕದಾಂಪುರ ಗ್ರಾಮದಲ್ಲಿ ‘ಆಫ್ರಿಕನ್ ಡಾಲ್’ ಎಂಬ ಬಿಳಿ ಮೆಕ್ಕೆಜೋಳದ ನೂತನ ತಳಿಯ ಮೆಕ್ಕೆಜೋಳ ಬೆಳೆಯಲು ಮುಂದಡಿ ಇಟ್ಟಿದ್ದಾರೆ.