‘‘ನಗರದ ಪಾರ್ಶ್ವನಾಥ ಶಾಲೆಯ ಮಹಮ್ಮದ್ ಕೈಫ್ ಎಂಬ ವಿದ್ಯಾರ್ಥಿ ಫೇಲ್ ಆಗಬಹುದು ಎಂಬ ಭಯದಿಂದ ಪರೀಕ್ಷಾ ಕೇಂದ್ರಕ್ಕೆ ಬಂದಿದ್ದವನು ಮರಳಿ ಮನೆಗೆ ಹೋಗಿದ್ದ. ಆತ ಪರೀಕ್ಷೆ ಬರೆಯುವ ಡೆಸ್ಕ್ನಲ್ಲಿ ಪ್ರವೇಶಪತ್ರ ಮಾತ್ರ ಇತ್ತು. ಅದನ್ನು ಗಮನಿಸಿ ವಿದ್ಯಾರ್ಥಿ ಎಲ್ಲಿ ಎಂದು ವಿಚಾರಿಸಿದಾಗ, ‘ಆತ ಸ್ವೆಟರ್ ತರುವುದಾಗಿ ಹೇಳಿ ಮನೆಗೆ ಹೋಗಿದ್ದಾನೆ’ ಎಂದು ಆತನ ಸ್ನೇಹಿತ ತಿಳಿಸಿದ. ತಕ್ಷಣವೇ ಆ ವಿದ್ಯಾರ್ಥಿಯ ಪೋಷಕರಿಗೆ ಕರೆ ಮಾಡಿ ಅವನನ್ನು ಕೇಂದ್ರಕ್ಕೆ ಕರೆತಂದು ಪರೀಕ್ಷೆ ಬರೆಯಿಸಲಾಯಿತು’’ ಎಂದು ಡಿಡಿಪಿಐ ಬಸವಲಿಂಗಪ್ಪ ಜಿ.ಎಂ. ತಿಳಿಸಿದ್ದಾರೆ.