ಹಾಸನ: ಜಿಲ್ಲೆಯಲ್ಲಿ ಭಾನುವಾರ ಚಿಕಿತ್ಸೆಗೆ ಸ್ಪಂದಿಸದೆ ಆರು ಕೊರೊನಾ ಸೋಂಕಿತರ ಮೃತಪಟ್ಟಿದ್ದಾರೆ. ಹೊಸದಾಗಿ 3 41 ಮಂದಿಗೆ ಕೋವಿಡ್‌ ದೃಢಪಟ್ಟಿದ್ದು, ಒಟ್ಟು ಸೋಂಕಿತ ಸಂಖ್ಯೆ31936ಕ್ಕೆ ಏರಿಕೆಯಾಗಿದೆ.
ಕಾಯಿಲೆಯಿಂದ ಈವರೆಗೆ ಅಸುನೀಗಿದವರ ಸಂಖ್ಯೆ 499 ತಲುಪಿದ್ದು, 29,729 ಮಂದಿ ಆರೋಗ್ಯದಲ್ಲಿ ಚೇತರಿಕೆಯಾಗಿದೆ. 1709 ಸಕ್ರಿಯ ಪ್ರಕರಣಗಳ ಪೈಕಿ 24 ಮಂದಿ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಹೊಸದಾಗಿ ಆಲೂರು 14, ಅರಕಲಗೂಡು 11, ಅರಸೀಕೆರೆ 51, ಬೇಲೂರು 27, ಚನ್ನರಾಯಪಟ್ಟಣ 51, ಹಾಸನ 126, ಹೊಳೆನರಸೀಪುರ 35, ಸಕಲೇಶಪುರ 21 ಹಾಗೂ ಹೊರ ಜಿಲ್ಲೆಯ ಐದು ಮಂದಿಗೆ ಕೊರೊನಾ ಸೋಂಕು ತಗುಲಿದೆ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಕೆ.ಎಂ.ಸತೀಶ್‌ ಕುಮಾರ್ ತಿಳಿಸಿದ್ದಾರೆ.
