ಜೈನರಗುತ್ತಿ ಪಂಚಕಲ್ಯಾಣಿಕ ಮಹೋತ್ಸವ: ಮೊಳಗಿದ ವಾದ್ಯ ವೈಭವ, ಸಂಗೀತಮಯ ಹಾಡು

ಸಮವಸರಣ ಎಂಬುದು ಜೈನರ ಪವಿತ್ರ ಕಲೆಯಾಗಿದೆ. ಜೈನರಗುತ್ತಿ ಪಂಚಕಲ್ಯಾಣಿಕದಲ್ಲಿ ನಿರ್ಮಿಸಿದ್ದ ಸಮವಸರಣ ಆಕರ್ಷಣೆ ಜೊತೆಗೆ ಭಕ್ತಿ ಲೋಕಕ್ಕೆ ಕೊಂಡೊಯ್ಯಿತು. ‘ಸಮವಸರಣ ಎಂದರೆ ತೀರ್ಥಂಕರ ಪವಿತ್ರ ಉಪದೇಶ ಪರಿಚಯಿಸುವ ಸ್ಥಳ ಎಂದರ್ಥ. ತೀರ್ಥಂಕರರು ಕೇವಲಜ್ಞಾನ ಪಡೆದ ನಂತರ ದೇವತೆಗಳು ಸಮವಸರಣ ನಿರ್ಮಿಸುತ್ತಾರೆ ಎಂಬುದು ಜಿನ ಧರ್ಮ ಗ್ರಂಥಗಳಲ್ಲಿ ಉಲ್ಲೇಖವಿದೆ’ ಎಂದು ಪುರೋಹಿತರಾದ ಪ್ರವೀಣ್ ಪಂಡಿತ್ ಹಾಗೂ ಪವನ್ ಪಂಡಿತ್ ಹೇಳಿದರು.