ಬುಧವಾರ, 29 ಮೇ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸಕಲೇಶಪುರ | ಗೆಳತಿಯರನ್ನು ಒಂದಾಗಿಸಿದ ಮತದಾನ

Published 26 ಏಪ್ರಿಲ್ 2024, 20:17 IST
Last Updated 26 ಏಪ್ರಿಲ್ 2024, 20:17 IST
ಅಕ್ಷರ ಗಾತ್ರ

ಸಕಲೇಶಪುರ (ಹಾಸನ): ದಶಕಗಳ ಕಾಲ ಸಂಪರ್ಕವೇ ಇಲ್ಲದೆ ಜೀವನ ನಡೆಸಿದ, 90 ವರ್ಷ ದಾಟಿದ ಗೆಳತಿಯರಿಬ್ಬರು ಶುಕ್ರವಾರ ಪರಸ್ಪರ ಭೇಟಿಯಾದರು. ಇದಕ್ಕೆ ಕಾರಣವಾಗಿದ್ದು ಲೋಕಸಭಾ ಚುನಾವಣೆ ಎಂಬುದೇ ವಿಶೇಷ.

ತಾಲ್ಲೂಕಿನ ಗುಲಗಳಲೆ ಗ್ರಾಮದಲ್ಲಿ ಮತದಾನ ಮಾಡಲು ಬಂದ ಜಾನಮ್ಮ (94) ಹಾಗೂ ಫಾತಿಮಾ (93) ಮುಖಾಮುಖಿಯಾದರು. ಕ್ಷಣದಲ್ಲಿಯೇ ಗೆಳತಿಯರು ಪರಸ್ಪರ ಗುರುತು ಹಿಡಿದು, ಅಪ್ಪಿಕೊಂಡರು. ತಮ್ಮ ಬಾಲ್ಯದ ದಿನಗಳನ್ನು ಮೆಲುಕು ಹಾಕಿದರು.

ಇಬ್ಬರಿಗೂ ಈಗ 90 ವರ್ಷ ದಾಟಿದೆ. ಮದುವೆಯಾದ ನಂತರ ಸಂಪರ್ಕ ತಪ್ಪಿತ್ತು. ಇಬ್ಬರೂ ಹತ್ತಾರು ವರ್ಷಗಳಿಂದ ಒಬ್ಬರನ್ನೊಬ್ಬರು ನೋಡಿರಲೂ ಇಲ್ಲ. ಅದೆಷ್ಟೋ ವರ್ಷಗಳ ನಂತರ ಮತಗಟ್ಟೆಯಲ್ಲಿ ಎದುರಾದರು. ವಯಸ್ಸು ಮರೆತರು, ಬಾಲ್ಯದ ನೆನಪುಗಳ ಬುತ್ತಿ ಬಿಚ್ಚಿ ಭಾವನಾತ್ಮಕವಾಗಿ ಪರಸ್ಪರ ಅಪ್ಪಿಕೊಂಡರು. ಅವರ ಮೊಮ್ಮಕ್ಕಳು, ಗ್ರಾಮಸ್ಥರು ಆ ಕ್ಷಣವನ್ನು ಸಂಭ್ರಮಿಸಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT