ಸರ್ಕಾರಿ ದರಕ್ಕಿಂತ ಕಡಿಮೆಗೆ ನೋಂದಣಿ: ಕಾಂಗ್ರೆಸ್‌ ಮುಖಂಡ ಆರೋಪ
ಅಕ್ಷರ ಗಾತ್ರ :ಆ |ಆ |ಆ
ಹಾಸನ: ‘ಶಾಸಕ ಪ್ರೀತಂ ಜೆ.ಗೌಡ ಅವರು ರಾಜರತ್ನಂ ಮ್ಯಾಚ್‌ ಇಂಡಸ್ಟ್ರಿಸ್‌ ಅ‌ನ್ನು ಖರೀದಿಸಿದ್ದು, ಅಧಿಕಾರಿಗಳ ಮೇಲೆ ಪ್ರಭಾವ ಬೀರಿ ಸರ್ಕಾರಿ ಮಾರ್ಗಸೂಚಿ ದರಕ್ಕಿಂತ ಕಡಿಮೆಗೆ ನೋಂದಣಿ ಮಾಡಿಸಿಕೊಂಡಿದ್ದಾರೆ’ ಎಂದು ಕೆಪಿಸಿಸಿ ಸದಸ್ಯ ಎಚ್.ಕೆ.ಮಹೇಶ್‌ ಆರೋಪಿಸಿದರು.
‘ಇಂಡಸ್ಟ್ರೀಸ್‌ನ ಮಾರುಕಟ್ಟೆ ಮೌಲ್ಯ ₹ 30 ಕೋಟಿ. ಸರ್ಕಾರಿ ಮಾರ್ಗಸೂಚಿ ದರದ ಪ್ರಕಾರ ಇದರ ಮೌಲ್ಯ ₹ 15.5 ಕೋಟಿ. ಆದರೆ, ಶಾಸಕರು ಅಧಿಕಾರಿಗಳ ಮೇಲೆ ಒತ್ತಡ ತಂದು ಕೇವಲ ₹ 7.5 ಕೋಟಿಗೆ ಮೌಲ್ಯಮಾಪನ ಮಾಡಿಸಿದ್ದಾರೆ’ ಎಂದು ಬುಧವಾರ ಸುದ್ದಿಗೋಷ್ಠಿಯಲ್ಲಿ ದೂರಿದರು.
‘ಸರ್ಕಾರಿ ಮಾರ್ಗಸೂಚಿ ದರದ ಪ್ರಕಾರ ಈ ಆಸ್ತಿಯ ನೋಂದಣಿ ಶುಲ್ಕ ₹ 1.20 ಕೋಟಿ. ಆದರೆ, ₹ 7.5 ಕೋಟಿಗೆ ಮೌಲ್ಯಮಾಪನ ಮಾಡಿಸಿರುವುದರಿಂದ ₹ 60 ಲಕ್ಷ ನೋಂದಣಿ ಶುಲ್ಕ ಆಗಿದ್ದು, ಸರ್ಕಾರಕ್ಕೆ ₹ 60 ಲಕ್ಷ ವಂಚಿಸಿದ್ದಾರೆ’ ಎಂದರು.
ಈ ಬಗ್ಗೆ ಪ್ರಕ್ರಿಯೆಗಾಗಿ ಶಾಸಕರನ್ನು ಸಂಪರ್ಕಿಸಲು ಪ್ರಯತ್ನಿಸಲಾಯಿತು. ಆದರೆ, ಅವರು ಲಭ್ಯರಾಗಲಿಲ್ಲ.
‘ಪ್ರೀತಂ ಜೆ.ಗೌಡ ಅವರು ಕಾನೂನಾತ್ಮಕವಾಗಿ ರಾಜರತ್ನಂ ಮ್ಯಾಚ್‌ ಇಂಡಸ್ಟ್ರೀಸ್‌ ಖರೀದಿಸಿ, ನೋಂದಣಿ ಮಾಡಿಸಿಕೊಂಡಿದ್ದಾರೆ. ಕಾಂಗ್ರೆಸ್‌ ಮುಖಂಡರು ಮಾಡಿರುವ ಆರೋಪ ಸತ್ಯಕ್ಕೆ ದೂರವಾದದು. ಈ ಬಗ್ಗೆ ಸದ್ಯದಲ್ಲಿ ಶಾಸಕರೇ ಉತ್ತರ ನೀಡಲಿದ್ದಾರೆ’ ಎಂದು ಬಿಜೆಪಿ ಹಾಸನ ನಗರ ಘಟಕದ ಅಧ್ಯಕ್ಷ ವೇಣುಗೋ‍ಪಾಲ್‌ ತಿಳಿಸಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
