ಗ್ರಾಮದ ರವಿಕುಮಾರ್ ಅವರ ಎಚ್.ಎಫ್ ತಳಿಯ 3 ವರ್ಷ ಹಸು ಪೂರ್ಣ ಗರ್ಭ ಧರಿಸಿದ್ದರೂ ಕರು ಹಾಕಲು ಸಾಧ್ಯವಾಗಿರಲಿಲ್ಲ. ಹಸುವನ್ನು ಪರೀಕ್ಷಿಸಿದ ಎಬಿಎಂ ಹಳ್ಳಿ ಪಶು ವೈದ್ಯಾಧಿಕಾರಿ ಡಾ. ಚೇತನ್ ಕುಮಾರ್ ಸಹಜ ಪ್ರಸವ ನಡೆಸಲು ಮಾಡಿದ ಪ್ರಯತ್ನ ಫಲಿಸಲಿಲ್ಲ. ಪೂರ್ಣ ಪ್ರಮಾಣದಲ್ಲಿ ಗರ್ಭಕೋಶ ತೆರೆಯದ ಕಾರಣ ಕರು ಹಾಕಲು ಸಾಧ್ಯವಾಗುತ್ತಿರಲಿಲ್ಲ. ಹೀಗಾಗಿ, ವಿಜಾಪುರ ಅರಣ್ಯ ಗ್ರಾಮದ ಪಶು ವೈದ್ಯಾಧಿಕಾರಿ ಡಾ. ಪವನ್ ನೆರವು ಪಡೆದು ಒಂದೂವರೆ ಗಂಟೆ ಶಸ್ತ್ರಚಿಕಿತ್ಸೆ ನಡೆಸಿ ಹೆಣ್ಣು ಕರುವನ್ನು ಹೊರತೆಗೆದರು.
