ಹಾಸನ: ಗಂಡು ಚಿರತೆ ಸೆರೆ

ಹಿರೀಸಾವೆ (ಹಾಸನ): ಹೋಬಳಿಯ ಕಾವಲಬಾರೆ (ಮಾಚಬೂನಹಳ್ಳಿ) ಗ್ರಾಮದಲ್ಲಿ ಬುಧವಾರ ಬೆಳಿಗ್ಗೆ ಗಂಡು ಚಿರತೆ ಸೆರೆ ಸಿಕ್ಕಿದೆ.

ಅರಣ್ಯ ಇಲಾಖೆಯವರು ಕಳೆದ ವಾರ ಬೋನ್ ಇರಿಸಿದ್ದರು. ಮಂಗಳವಾರ ರಾತ್ರಿ ಗ್ರಾಮ ಕುಮಾರ್ ಎಂಬುವವರ ಕುರಿಯನ್ನು ತಿಂದು ಅರ್ಧ ಭಾಗವನ್ನು ಅಲ್ಲಿಯೇ ಬಿಟ್ಟು ಹೋಗಿತ್ತು. ಗ್ರಾಮದ ಯುವಕರು ಉಳಿದ ಭಾಗವನ್ನು ಬೋನ್ ಒಳಗೆ ಹಾಕಿದ್ದರು. ಅದನ್ನು ತಿನ್ನಲು ಬಂದು ಬೋನ್‌ನಲ್ಲಿ ಸೆರೆಯಾಗಿದೆ. ಚನ್ನರಾಯಪಟ್ಟಣ ಅರಣ್ಯ ಇಲಾಖೆಯವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.