ಹಾವೇರಿ: ಕುರಿಗಾಹಿಗಳಿಗೆ ಸಿಗದ ₹9.08ಕೋಟಿ ‘ಅನುಗ್ರಹ’; ಮನವಿಗೆ ಸ್ಪಂದಿಸದ ಸರ್ಕಾರ

ಹಾವೇರಿ : ಜಿಲ್ಲೆಯ ಕುರಿಗಾಹಿಗಳಿಗೆ ಸಿಗಬೇಕಾದ ₹9.08 ಕೋಟಿ ಹಣ ಮೂರು ವರ್ಷಗಳಿಂದ ಬಾಕಿ ಉಳಿದಿದ್ದು, ಕುರಿಗಾಹಿಗಳು ಹಾಗೂ ಅವರ ಸಂಬಂಧಿಕರು ಕಚೇರಿಯಿಂದ ಕಚೇರಿಗೆ ಅಲೆದು ಹೈರಾಣಾಗುತ್ತಿದ್ದಾರೆ.

. ಕುರಿಗಾಹಿಗಳು ಸಾಕುವ ಕುರಿಗಳು, ಮೇಕೆಗಳು ಮೃತಪಟ್ಟ ಸಂದರ್ಭದಲ್ಲಿ ಪರಿಹಾರ ನೀಡಲು, ರಾಜ್ಯ ಸರ್ಕಾರದ ಕುರಿ ಮತ್ತು ಉಣ್ಣೆ ಅಭಿವೃದ್ಧಿ ನಿಗಮದಿಂದ ‘ಅನುಗ್ರಹ’ ಯೋಜನೆ ರೂಪಿಸಲಾಗಿದೆ. 2021ರ ಡಿಸೆಂಬರ್ನಿಂದ 2023ರ ಮಾರ್ಚ್ ವರೆಗೂ ಜಿಲ್ಲೆಯಲ್ಲಿ 16,805 ಅರ್ಹ ಕುರಿಗಾಹಿಗಳನ್ನು ಗುರುತಿಸಲಾಗಿದೆ.

. ಅರ್ಹ ಕುರಿಗಾರರಿಗೆ ಮೂರು ವರ್ಷಗಳಿಂದ ಯಾವುದೇ ಪರಿಹಾರ ಸಂದಾಯವಾಗಿಲ್ಲ. ಕುರಿಗಾಹಿಗಳ ಪರವಿರುವ ಸಂಘಟನೆಗಳು, ಜಿಲ್ಲಾಧಿಕಾರಿ ಮೂಲಕ ನಿಗಮದ ಅಧಿಕಾರಿಗಳಿಗೆ ಹಲವು ಬಾರಿ ಮನವಿ ಸಲ್ಲಿಸಿದ್ದಾರೆ. ಆದರೆ, ನಿಗಮದಿಂದ ಮಾತ್ರ ಯಾವುದೇ ಸ್ಪಂದನೆ ಸಿಕ್ಕಿಲ್ಲ.

. ‘ಜಿಲ್ಲೆಯಲ್ಲಿ ಕುರಿಗಾಹಿಗಳ ಸಂಖ್ಯೆ ಹೆಚ್ಚಿದೆ. ಕಾಡು, ಗುಡ್ಡ, ಜಮೀನು... ಹೀಗೆ ಕುರಿಗಾಹಿಗಳು ಅಲೆಮಾರಿಗಳಾಗಿ ಸುತ್ತಾಡುತ್ತಿದ್ದಾರೆ. ಮಳೆಗಾಲದಲ್ಲಿ ಸಿಡಿಲು ಬಡಿದು ಹಾಗೂ ಇತರೆ ಕಾಯಿಲೆಗಳಿಂದ ಕುರಿ–ಮೇಕೆಗಳು ಮೃತಪಡುತ್ತಿವೆ. ಕುರಿ–ಮೇಕೆ ಕಳೆದುಕೊಂಡಿರುವ ಕುರಿಗಾಹಿಗಳಿಗೆ ರಾಜ್ಯ ಸರ್ಕಾರ ಅನುಗ್ರಹ ಯೋಜನೆಯಡಿ ಪರಿಹಾರ ಒದಗಿಸುತ್ತಿರುವುದು ಒಳ್ಳೆಯ ನಡೆ’ ಎಂದು ಭೂಮಿ ಪುತ್ರ ರೈತ ಸಂಘದ ಅಧ್ಯಕ್ಷ ಫಕ್ಕೀರಗೌಡ ಎಸ್. ಗಾಜಿಗೌಡ್ರ ತಿಳಿಸಿದರು.

. ‘ಮೃತಪಡುವ ಕುರಿ ಹಾಗೂ ಮೇಕೆಗಳನ್ನು ಪಶು ವೈದ್ಯರು ಮರಣೋತ್ತರ ಪರೀಕ್ಷೆ ನಡೆಸಿ ವರದಿ ನೀಡುತ್ತಿದ್ದಾರೆ. ಇದೇ ವರದಿ ಆಧರಿಸಿ ಕುರಿ ಮತ್ತು ಉಣ್ಣೆ ಅಭಿವೃದ್ಧಿ ನಿಗಮದಿಂದ ಅರ್ಹ ಕುರಿಗಾಹಿಗಳಿಗೆ ಪರಿಹಾರ ನೀಡಲಾಗುತ್ತಿದೆ. ಕಳೆದ ಮೂರು ವರ್ಷಗಳಿಂದ ಯಾವುದೇ ಪರಿಹಾರ ಸಂದಾಯವಾಗಿಲ್ಲ. ನಿಗಮವು ₹9.08 ಕೋಟಿ ಬಾಕಿ ಉಳಿಸಿಕೊಂಡಿದೆ’ ಎಂದು ಮಾಹಿತಿ ನೀಡಿದರು.

. ‘ಜಿಲ್ಲೆಯಲ್ಲಿ 17,823 ದೊಡ್ಡ ಕುರಿಗಳು– ದೊಡ್ಡ ಮೇಕೆಗಳು (ಆಡುಗಳು) ಮೃತಪಟ್ಟಿವೆ. 536 ಮರಿ ಕುರಿಗಳು–ಮರಿ ಮೇಕೆಗಳು ಸತ್ತಿವೆ. ಇವುಗಳ ಮಾಲೀಕರಾದ 16,805 ಅರ್ಹ ಕುರಿಗಾಹಿಗಳನ್ನು ಪರಿಹಾರಕ್ಕೆ ಆಯ್ಕೆ ಮಾಡಲಾಗಿದೆ. ಇವರಿಗೆ ಸಿಗಬೇಕಾದ ₹9.08 ಕೋಟಿ ಹಣ ಪಾವತಿ ಬಾಕಿ ಇದೆ’ ಎಂದರು.

. ‘ಮೂರು ವರ್ಷಗಳಿಂದ ಬಾಕಿ ಇರುವ ಪರಿಹಾರದ ಹಣವನ್ನು ಅರ್ಹರಿಗೆ ಪಾವತಿ ಮಾಡುವಂತೆ ಜಿಲ್ಲಾಧಿಕಾರಿ ಮೂಲಕ ನಿಗಮದ ವ್ಯವಸ್ಥಾಪಕ ನಿರ್ದೇಶಕರಿಗೆ ಮನವಿ ಸಲ್ಲಿಸಲಾಗಿದೆ. ಹಣ ಪಾವತಿಗೆ ಗಡುವು ಸಹ ನೀಡಲಾಗಿದೆ’ ಎಂದರು.

. ಪರಿಹಾರ ಬಾಕಿ ಬಗ್ಗೆ ಪ್ರತಿಕ್ರಿಯೆ ಪಡೆಯಲು ಕುರಿ ಮತ್ತು ಉಣ್ಣೆ ಅಭಿವೃದ್ಧಿ ನಿಗಮದ ಅಧಿಕಾರಿಗಳು ಲಭ್ಯರಾಗಲಿಲ್ಲ.

. ನಿಗಮದ ಅಧಿಕಾರಿಗಳು ಕೂಡಲೇ ಹಣ ಬಿಡುಗಡೆ ಮಾಡಬೇಕು. ಇಲ್ಲದಿದ್ದರೆ. ಗಂಭೀರ ಸ್ವರೂಪದ ಹೋರಾಟ ನಡೆಸಲಾಗುವುದು ಫಕ್ಕೀರಗೌಡ ಎಸ್. ಗಾಜಿಗೌಡ್ರ ಭೂಮಿ ಪುತ್ರ ರೈತ ಸಂಘದ ಅಧ್ಯಕ್ಷ . 'ದೊಡ್ಡ ಕುರಿ–ಮೇಕೆಗೆ ₹5 ಸಾವಿರ’

ನೈಸರ್ಗಿಕ ವಿಪತ್ತು ಅಪಘಾತ ಮತ್ತು ವಿವಿಧ ಕಾಯಿಲೆಗಳಿಂದ ಮೃತಪಟ್ಟ ದೊಡ್ಡ ಕುರಿ–ಮೇಕೆಗಳಿಗೆ ತಲಾ ₹5 ಸಾವಿರ ಪರಿಹಾರ ನಿಗದಿಪಡಿಸಲಾಗಿದೆ. ಕುರಿ ಮರಿ ಹಾಗೂ ಮರಿ ಮೇಕೆಗಳಿಗೆ ₹3 ಸಾವಿರ ಪರಿಹಾರವಿದೆ. ನೇರ ನಗದು ವರ್ಗಾವಣೆ (ಡಿಬಿಟಿ) ಮೂಲಕ ಅರ್ಹ ಕುರಿಗಾಹಿಗಳಿಗೆ ಪರಿಹಾರ ಪಾವತಿಸುವ ವ್ಯವಸ್ಥೆ ‘ಅನುಗ್ರಹ’ ಯೋಜನೆಯಲ್ಲಿದೆ. ‘ಗ್ರಾಮೀಣ ಪ್ರದೇಶದ ಪಶು ಆಸ್ಪತ್ರೆಗಳಲ್ಲಿ ವೈದ್ಯರು ಮತ್ತು ಸಿಬ್ಬಂದಿ ಕೊರತೆ ಇದೆ. ಕುರಿ ಹಾಗೂ ಮೇಕೆಗಳಿಗೆ ಸಕಾಲಕ್ಕೆ ಚಿಕಿತ್ಸೆ ಸಿಗುತ್ತಿಲ್ಲ. ಇದರಿಂದಲೂ ಕುರಿ–ಮೇಕೆಗಳು ಸಾಯುತ್ತಿವೆ. ಕುರಿಗಾಹಿಗಳಿಗೆ ಸಿಗಬೇಕಾದ ಟೆಂಟ್ ಸೌರದೀಪ ಔಷಧ ಹಾಗೂ ಇತರೆ ಸೌಲಭ್ಯಗಳೂ ಸಿಗುತ್ತಿಲ್ಲ. ರಾಜ್ಯ ಸರ್ಕಾರ ಸದ್ಯ ಬಾಕಿ ಇರುವ ₹ 9.08 ಕೋಟಿ ಪರಿಹಾರ ಹಣವನ್ನಾದರೂ ಪಾವತಿ ಮಾಡಬೇಕು’ ಎಂದು ಕುರಿಗಾಹಿಯೊಬ್ಬರು ಒತ್ತಾಯಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಾವೇರಿ: ಕುರಿಗಾಹಿಗಳಿಗೆ ಸಿಗದ ₹9.08ಕೋಟಿ ‘ಅನುಗ್ರಹ’; ಮನವಿಗೆ ಸ್ಪಂದಿಸದ ಸರ್ಕಾರ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ