ಸ್ಫೋಟಕ ಸಿಡಿದು ವ್ಯಕ್ತಿಗೆ ಗಾಯ

ಹಾವೇರಿಯ ಹೊಸನಗರದ ಅಬ್ದುಲ್‌ ಖಾದರ್‌ ಹಾದಿಮನಿ‌ ಗಾಯಗೊಂಡ ವ್ಯಕ್ತಿ. ಇವರು ನಗರದ ರೈಲು ನಿಲ್ದಾಣದ ಸಮೀಪದ ಬೂ–ವೀರಾಪುರಕ್ಕೆ ಹೋಗುವ ರಸ್ತೆಯ ಪಕ್ಕದ ಬಯಲು ಜಾಗದಲ್ಲಿ ಮನೆ ಕಟ್ಟಲು ಕಲ್ಲುಗಳನ್ನು ನೋಡಲು ಹೋಗಿದ್ದರು. ಕಲ್ಲುಗಳ ಮಧ್ಯೆ ಸಂಗ್ರಹಿಸಿಟ್ಟಿದ್ದ ಅಡಿಕೆ ಗಾತ್ರದ ವಸ್ತುಗಳನ್ನು ಬೇರೆಡೆ ತಂದು, ಏನೋ ಸಿಕ್ಕಿತು ಎಂದು ಒಂದನ್ನು ಒಡೆದಾಗ ಅದು ಸ್ಫೋಟಿಸಿ ಅವಘಢ ಸಂಭವಿಸಿದೆ.

30 ಸ್ಫೋಟಕಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದು, ಆರೋಪಿಗಳಿಗೆ ಬಲೆ ಬೀಸಿದ್ದಾರೆ.ಈ ಬಗ್ಗೆ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಗ್ರಾಮೀಣ ಠಾಣೆಯ ಪೊಲೀಸ್ ಅಧಿಕಾರಿಗಳು ಶನಿವಾರ ಘಟನಾ ಸ್ಥಳಗಳಿಗೆ ಶ್ವಾನದಳದೊಂದಿಗೆ ಭೇಟಿ‌ ನೀಡಿ ಪರಿಶೀಲನೆ ನಡೆಸಿದ್ದಾರೆ.