ಕದರಮಂಡಲಗಿ ಬಳಿ ಚಿರತೆ ಪ್ರತ್ಯಕ್ಷ:ಗ್ರಾಮಸ್ಥರಲ್ಲಿ ಆತಂಕ

ವೈ.ಎಚ್.ಕುಡುಪಲಿ ಅವರ ಜಮೀನಿನಲ್ಲಿ ಕೆಲಸ ಮಾಡುವಾಗ ಅರಣ್ಯ ಬಳಿ ಚಿರತೆ ಪ್ರತ್ಯಕ್ಷವಾಗಿದ್ದು, ಕ್ಷಣ ಹೊತ್ತು ನಿಂತು ಮತ್ತೆ ಅರಣ್ಯಕ್ಕೆ ವಾಪಸ್ ತೆರಳಿದೆ. ಇದನ್ನು ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆ ಹಿಡಿಲಾಗಿದ್ದು, ಚಿರತೆ ಪ್ರತ್ಯಕ್ಷವಾಗಿರುವ ಸುದ್ದಿ ಹರಡುತ್ತಿದ್ದಂತೆ ರೈತರು ಕೃಷಿ ಚಟುವಟಿಕೆಗಳನ್ನು ಸ್ಥಗಿತಗೊಳಿಸಿ ಮನೆಗೆ ತೆರಳಿದರು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಚಿರತೆ ಪ್ರತ್ಯಕ್ಷವಾಗಿರುವ ಮಾಹಿತಿ ಪಡೆದ ಅರಣ್ಯ ಸಿಬ್ಬಂದಿ ಚಿರತೆಯ ಹೆಜ್ಜೆ ಗುರುತಿನ ಮೂಲಕ ಅದರ ಜಾಡು ಹಿಡಿಯಲು ಪ್ರಯತ್ನಿಸಿದರು. ಗುರುವಾರ ರಾತ್ರಿ ಗಸ್ತು ನಡೆಸಿದ್ದು, ಶುಕ್ರವಾರ ಅರಣ್ಯದ ಸುತ್ತಲಿನ ಕೃಷಿ ಹೊಂಡದ ಬಳಿ ಚಿರತೆ ಬಂದಿತ್ತೇ ಎಂದು ಪರಿಶೀಲಿಸಲಾಗಿದೆ ಎಂದು ವಲಯ ಅರಣ್ಯಾಧಿಕಾರಿ ಕಾಂತೇಶ ಬೇಲೂರ ‘ಪ್ರಜಾವಾಣಿ‘ಗೆ ಮಾಹಿತಿ ನೀಡಿದರು.