ಪ್ರತಿವರ್ಷದಂತೆ ಈ ಬಾರಿಯೂ ಹೂವು ಹಣ್ಣು ತರಕಾರಿಗಳಿಂದ ವಿವಿಧ ಕಲಾಕೃತಿಗಳನ್ನು ತಯಾರಿಸಿ ಪ್ರದರ್ಶನ ಮಾಡುತ್ತೇವೆ. ಭಾರತದ ಬಾಹ್ಯಾಕಾಶ ಸಂಸ್ಥೆ (ಇಸ್ರೊ) ಚಂದ್ರಯಾನ–3 ಯಶಸ್ವಿ ಉಡಾವಣೆ ಮಾಡಿದ ಅಂಗವಾಗಿ ಚಂದ್ರಯಾನ–3 ಮಿಷನ್‌ ವಿಕ್ರಂ ಲ್ಯಾಂಡರ್‌ ಮತ್ತು ಇಸ್ರೊ ಸಂಸ್ಥೆಯ ಲೋಗೊ ಕಲಾಕೃತಿಯನ್ನು ಫಲಪುಷ್ಪಗಳಿಂದ ಪ್ರದರ್ಶಿಸಲಿದ್ದೇವೆ ಎಂದು ತೋಟಗಾರಿಕೆ ಇಲಾಖೆಯ ಸಹಾಯಕ ನಿರ್ದೇಶಕ ಬಸವರಾಜ ಬರೆಗಾರ ಹೇಳಿದರು. ಪುಷ್ಪ ಗಡಿಯಾರ ಹೂವಿನ ಆನೆ ಗೋಡಂಬಿ ಮಾದರಿಯ ಫೋಟೊ ಫ್ರೇಮ್‌ (ಸೆಲ್ಪಿ ಪಾಯಿಂಟ್‌) ದೀಪಗಳು ಕರ್ನಾಟಕ ನಕ್ಷೆ ಎಲೆ ಮೇಲೆ ಕುಳಿತ ಚಿಟ್ಟೆ ಕಾರಂಜಿ ಬಸವಣ್ಣ ಏಲಕ್ಕಿ ಗಣಪ ಈಶ್ವರ ಲಿಂಗ ಮುಂತಾದ ಕಲಾಕೃತಿಳನ್ನು ಫಲಪುಷ್ಪಗಳಲ್ಲಿ ಅರಳಿಸಿ ಪ್ರದರ್ಶಿಸಲಾಗುವುದು ಎಂದು ಮಾಹಿತಿ ನೀಡಿದರು.
