ಹಾವೇರಿ: ಛಾಯಾಚಿತ್ರ ಪ್ರದರ್ಶನಕ್ಕೆ ಚಾಲನೆ

ಹೆಚ್ಚುವರಿ ಜಿಲ್ಲಾಧಿಕಾರಿ ಎನ್.ತಿಪ್ಪೇಸ್ವಾಮಿ, ಉಪವಿಭಾಗಾಧಿಕಾರಿ ಶಿವಾನಂದ ಉಳ್ಳಾಗಡ್ಡಿ, ಜಿಲ್ಲಾ ವಾರ್ತಾಧಿಕಾರಿ ಬಿ.ಆರ್.ರಂಗನಾಥ್ ವಿವಿಧ ಇಲಾಖಾ ಅಧಿಕಾರಿಗಳು ಇದ್ದರು.

ದೇಶದ ವಿಭಜನೆಯ ಸಂದರ್ಭದಲ್ಲಿ ಅಪಾರ ಪ್ರಮಾಣದ ಸಾವು-ನೋವುಗಳನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ನಮ್ಮ ಸಾವಿರಾರು ಸಹೋದರ-ಸಹೋದರಿಯರು ಸ್ಥಳಾಂತರಗೊಂಡರು, ಬುದ್ದಿಗೇಡಿಗಳ ದ್ವೇಷ-ಹಿಂಸಾಚಾರದಿಂದ ಅನೇಕರು ತಮ್ಮ ಪ್ರಾಣ ಕಳೆದುಕೊಂಡರು. ಅನೇಕ ಹೋರಾಟ ಹಾಗೂ ತ್ಯಾಗಳ ಸ್ಮರಣಾರ್ಥವಾಗಿ 14ನೇ ಆಗಸ್ಟ್‌ ಅನ್ನು ದೇಶದ ವಿಭಜನೆಯ ಭಯಾನಕತೆಗಳನ್ನು ಸ್ಮರಿಸುವ ದಿನವನ್ನಾಗಿ ಆಚರಿಸಲಾಗುತ್ತಿದೆ.

ಈ ಹಿನ್ನಲೆಯಲ್ಲಿ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಆಗಸ್ಟ್ 12ರಿಂದ 15ರವರೆಗೆ ಈ ಘಟನೆ ಆಧಾರಿತ ಅಪರೂಪದ ಛಾಯಾಚಿತ್ರಗಳ ಪ್ರದರ್ಶವನ್ನು ಆಯೋಜಿಸಿದೆ.

ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಸಂದೇಶದೊಂದಿಗೆ ಆರಂಭವಾಗುವ ಸಂದೇಶಗಳು, ದೇಶ ವಿಭಜನೆಯ ಸಂದರ್ಭದಲ್ಲಿ ಲಕ್ಷೋಪಲಕ್ಷ ಸಂಖ್ಯೆಯಲ್ಲಿ ರೈಲು, ವಾಹನಗಳ ಮೇಲೆ ಸಂಚರಿಸುವ ದೃಶಗಳು, ಹಿಂಸಾಚಾರ, ಸ್ಫೋಟದ ಛಾಯಾಚಿತ್ರಗಳು, 1947 ಮಾರ್ಚ್ 4ರಂದು ನಡೆದ ಹಿಂದೂ-ಸಿಖ್ಖರ ಮೇಲೆ ನಡೆದ ಗುಂಡಿನ ದಾಳಿಗಳ ಛಾಯಾಚಿತ್ರಗಳು ಗಮನಸೆಳೆದವು.