ಹಾವೇರಿ: ಇಂಡಿಯನ್‌ ಷೇರ್‌ ಮಾರ್ಕೆಟ್‌ ಹಾಗೂ ಫೋರೆಕ್ಸ್‌ ಶೇರ್‌ ಟ್ರೇಡಿಂಗ್‌ ಮೂಲಕ ಲಾಭ ಮಾಡಿಕೊಡುತ್ತೇವೆ ಎಂದು ನಂಬಿಸಿದ ವಂಚಕರು, ಶಿಕ್ಷಕರ ಅಕೌಂಟ್‌ನಿಂದ ₹12.95 ಲಕ್ಷ ದೋಚಿದ ಪ್ರಕರಣ ನಗರದ ಸಿಇಎನ್‌ ಕ್ರೈಂ ಪೊಲೀಸ್‌ ಠಾಣೆಯಲ್ಲಿ ದಾಖಲಾಗಿದೆ.
ಬ್ಯಾಡಗಿ ತಾಲ್ಲೂಕು ಅಂಗರಗಟ್ಟಿ ಗ್ರಾಮದ ಶಿಕ್ಷಕ ಮಾಲತೇಶ ಮಲ್ಲಾಡದ ಹಣ ಕಳೆದುಕೊಂಡವರು.
2020ರ ಜುಲೈ 7ರಿಂದ ಸೆಪ್ಟೆಂಬರ್‌ 2ರವರೆಗೆ ಅನುಷ್ಕಾ ಮತ್ತು ರಚನಾ ಎಂಬುವವರುಹಲವು ಬಾರಿ ಕರೆ ಮಾಡಿ, ಶಿಕ್ಷಕರ ಮತ್ತು ಅವರ ಪತ್ನಿಯ ಅಕೌಂಟುಗಳಿಂದ ಫೋನ್‌ಪೇ ಮತ್ತು ಆರ್‌ಟಿಜಿಎಸ್‌ ಮೂಲಕ ಹಣ ಹಾಕಿಸಿಕೊಂಡು ಮೋಸ ಮಾಡಿದ್ದಾರೆ ಎಂದು ದೂರು ದಾಖಲಾಗಿದೆ.
