ಹಿಂದುಳಿದ ವರ್ಗಗಳು ಸಿದ್ದರಾಮಯ್ಯರ ಬೆನ್ನಿಗೆ ನಿಲ್ಲಬೇಕಿದೆ: ತಿಪ್ಪಣಪ್ಪ ಕಮಕನೂರ

ಜಯಂತಿ ಪ್ರಯುಕ್ತ ನಗರದ ಎಸ್‌ವಿಪಿ ವೃತ್ತದಿಂದ ಎಸ್‌.ಎಂ.ಪಂಡಿತ ರಂಗ ಮಂದಿರದವರೆಗೂ ಡಿ.ದೇವರಾಜ ಅರಸುರವರ ಭಾವಚಿತ್ರದ ಮೆರವಣಿಗೆ ನಡೆಯಿತು. ಸಾರೋಟದಲ್ಲಿ ಅರಸುರವರ ಭಾವಚಿತ್ರ ಇರಿಸಲಾಗಿತ್ತು. ವಿವಿಧ ಕಲಾ ತಂಡಗಳು ಭಾಗವಹಿಸಿದ್ದವು. ಬಾಜಾ–ಭಜಂತ್ರಿ ಡೊಳ್ಳು ಕುಣಿತ ಲಂಬಾಣಿ ಮಹಿಳೆಯರ ನೃತ್ಯ ಗಮನಸೆಳೆಯಿತು. ಗೋಂಧಳಿ ಸಮಾಜದವರು ನೃತ್ಯ ಪ್ರದರ್ಶಿಸಿದರು. ಒಂದು ಗಂಟೆಗೂ ಹೆಚ್ಚು ಕಾಲ ನಡೆದ ಮೆರವಣಿಗೆ ಉದ್ದಕ್ಕೂ ಕೋಲೆ ಬಸವ ಪೋತುರಾಜರು ಕಲೆ ಪ್ರದರ್ಶಿಸಿದರು. ದರ್ವೇಶಿಗಳು ಗಜಲ್‌ಗಳನ್ನು ಹಾಡುತ್ತ ಸಾಗಿದರು. ವಸತಿ ಶಾಲೆ ವಸತಿ ನಿಲಯಗಳ ವಿದ್ಯಾರ್ಥಿಗಳು ಹಾಗೂ ಸಿಬ್ಬಂದಿ ತಮಟೆಯ ಲಯಕ್ಕೆ ಹೆಜ್ಜೆ ಹಾಕಿದರು. ದೇವರಾಜ ಅರಸು ಪರ ಘೋಷಣೆಗಳನ್ನು ಕೂಗಿದರು.