ಕಲಬುರಗಿ: ‘ಕಾಂಗ್ರೆಸ್ ಮುಖಂಡ ಶರಣಕುಮಾರ ಮೋದಿ ಅವರ ಕಾರಿನಲ್ಲಿ ಸಿಕ್ಕ ಹಣ ಈಶ್ವರ ಖಂಡ್ರೆ ಅವರಿಗೆ ಸೇರಿದ್ದು ಮೋದಿ ಅವರು ಖಂಡ್ರೆ ಅವರ ಕಲೆಕ್ಷನ್ ಏಜೆಂಟ್ ಎಂಬ ಭಗವಂತ ಖೂಬಾ ಹೇಳಿಕೆ ಖಂಡನೀಯ. ಖಂಡ್ರೆ ಅವರದೇ ಹಣ ಎನ್ನುವುದಕ್ಕೆ ಖೂಬಾ ಅವರ ಬಳಿ ಏನಾದರೂ ದಾಖಲೆಗಳಿವೆಯೇ’ ಎಂದು ಡಾ. ಶರಣಪ್ರಕಾಶ ಪಾಟೀಲ ಪ್ರಶ್ನಿಸಿದರು.
‘ಯಾರ ಬಗ್ಗೆಯಾದರೂ ಮಾತನಾಡಬೇಕಾದರೆ ಪೂರಕ ದಾಖಲೆ ಇಟ್ಟುಕೊಂಡು ಮಾತನಾಡಬೇಕು. ಕೇಂದ್ರ ಸಚಿವರಾಗಿರುವವರು ಇಂತಹ ಆಧಾರ ರಹಿತ ಹೇಳಿಕೆಗಳನ್ನು ನೀಡಬಾರದು. ಈ ಹೇಳಿಕೆ ಆಧರಿಸಿ ಈಶ್ವರ ಖಂಡ್ರೆ ಅವರು ಮಾನನಷ್ಟ ಪ್ರಕರಣ ದಾಖಲಿಸಬಹುದು’ ಎಂದು ಎಚ್ಚರಿಸಿದರು.
‘ಶರಣಕುಮಾರ ಮೋದಿ ಅವರ ಬಳಿ ಸಿಕ್ಕ ಹಣದ ಬಗ್ಗೆ ತನಿಖೆ ನಡೆಸಲು ಆದಾಯ ತೆರಿಗೆ ಇಲಾಖೆ ಸ್ವತಂತ್ರ ತನಿಖೆ ನಡೆಸಲಿ. ಕಾನೂನು ಪ್ರಕಾರ ಕ್ರಮ ಕೈಗೊಳ್ಳಲಿ’ ಎಂದರು.
