ಶೇಂಗಾ ಧಾರಣೆ ಕುಸಿತ; ಆತಂಕ

ವಾಡಿ: ನಾಲವಾರ ವಲಯದಲ್ಲಿ ಹಿಂಗಾರು ಬೆಳೆ ಶೇಂಗಾ ಫಸಲು ಕೊಯ್ಲಿಗೆ ಬಂದಿದ್ದು, ರಾಶಿ ಕಾರ್ಯದಲ್ಲಿ ರೈತರು ನಿರತರಾಗಿದ್ದಾರೆ.

. ನಾಲವಾರ ವಲಯದ ಯಾಗಾಪುರ ಬೆಳಗೇರ, ಶಿವನಗರ, ಲಾಡ್ಲಾಪುರ ಬಾಪುನಗರ, ಹಣ್ಣಿಕೇರಾ ಸಂಕನೂರು ಹಾಗೂ ಸುಮಾರು 30 ತಾಂಡಾಗಳ ನಿರಾವರಿ ಅಶ್ರಿತ ಬೆಳೆಗಾರರು ಶೇಂಗಾ ಬೆಳೆದಿದ್ದಾರೆ.

. ಪಂಪ್ ಸೆಟ್ಗಳ ಮೂಲಕ ನೀರುಣಿಸಿ ಶೇಂಗಾ ಬೆಳೆದ ಸಾವಿರಾರು ರೈತರು ಈಗ ಫಸಲಿನ ಖುಷಿಯಲ್ಲಿದ್ದಾರೆ. ಇದರ ಮಧ್ಯೆ ನಿರೀಕ್ಷಿತ ಇಳುವರಿ ಬಾರದೇ ಕಂಗಲಾಗಿದ್ದ ರೈತರಿಗೆ ಶೇಂಗಾ ಧಾರಣೆ ತುಸು ನೆಮ್ಮದಿ ಕೊಟ್ಟಿದೆ. ಆದರೆ ಶೇಂಗಾ ಧಾರಣೆಯಲ್ಲಿನ ಸತತ ಇಳಿಕೆ ಸಹ ಆತಂಕ ಮೂಡಿಸಿದೆ. ಜನವರಿ ಮೊದಲ ವಾರದಲ್ಲಿ ಪ್ರತಿ ಕ್ವಿಂಟಾಲ್ ಗೆ ₹7100 ಮಾರಾಟವಾಗಿದ್ದ ಶೇಂಗಾ ನಂತರ ಕುಸಿತ ಕಂಡಿದ್ದು ಈಗ ₹6100– 6200ಕ್ಕೆ ಬಂದು ತಲುಪಿದೆ. ಒಂದೇ ತಿಂಗಳಲ್ಲಿ ₹1 ಸಾವಿರ ರೂಪಾಯಿ ಕುಸಿತ ಕಂಡಿದೆ. ಪ್ರಾರಂಭದಲ್ಲಿ ಮಾರಿದ ಬೆಳೆಗಳಿಗೆ ಉತ್ತಮ ಧಾರಣೆ ಸಿಕ್ಕಿದೆ. ಆದರೆ ಈಗ ಬೆಲೆ ಕುಸಿತದ ಭೀತಿಗೆ ರೈತರು ಸಿಲುಕಿದ್ದಾರೆ.

. ಇಳುವರಿಯಲ್ಲಾದ ನಷ್ಟ ಬೆಲೆ ಹೆಚ್ಚಳದ ಮೂಲಕ ಸ್ವಲ್ಪ ಮಟ್ಟಿಗೆ ಸರಿದೂಗಿದೆ ಎಂದು ಮೊದಲು ಸಂತಸ ವ್ಯಕ್ತಪಡಿಸಿದ್ದ ರೈತರಿಗೆ ಧಾರಣೆ ಕುಸಿತ ಚಿಂತೆಗೆ ಕಾರಣವಾಗಿದೆ.

. ವಿಜಯಪುರ ಹಾಗೂ ಇತರ ಜಿಲ್ಲೆಗಳಿಂದ ಶೇಂಗಾ ವರ್ತಕರು ರೈತರ ಜಮೀನುಗಳಿಗೆ ಬಂದು ಶೇಂಗಾ ಖರೀದಿ ಮಾಡುತ್ತಿದ್ದಾರೆ. ರೈತರ ಜಮೀನಿಗೆ ಬಂದು ಫಸಲನ್ನು ತೂಕ ಮಾಡಿಸಿಕೊಂಡು ಸ್ಥಳದಲ್ಲಿಯೇ ಹಣ ಪಾವತಿ ಮಾಡುತ್ತಿರುವುದು ರೈತರಿಗೆ ವರದಾನವಾಗಿದೆ.

. ಬೆಳೆದ ಶೇಂಗಾವನ್ನು ದುಬಾರಿ ಬಾಡಿಗೆ ನೀಡಿ ಟ್ರ್ಯಾಕ್ಟರ್ ಮೂಲಕ ದೂರದ ಯಾದಗಿರಿ ಹಾಗೂ ಕಲಬುರ್ಗಿ ಸಾಗಿಸಿ ಮಾರಾಟ ಮಾಡುವ ಬದಲು ವರ್ತಕರೇ ನೇರವಾಗಿ ಜಮೀನುಗಳಿಗೆ ಬಂದು ಖರೀದಿ ಮಾಡಿ ಹಣ ನೀಡುತ್ತಿರುವುದು ರೈತರಿಗೆ ಅನುಕೂಲಕರ ಎನಿಸಿದೆ. ಸಾಗಾಣೆ ವೆಚ್ಚ, ಕೂಲಿ ಎಲ್ಲವೂ ಉಳಿತಾಯವಾಗುತ್ತಿದ್ದು, ರೈತರಿಗೆ ಸಂತಸ ಮೂಡಿಸಿದೆ.

. ಆದರೆ ಎಕರೆಗೆ ಸರಾಸರಿ 8– 10 ಕ್ವಿಂಟಾಲ್ ಇಳುವರಿಯ ನಿರೀಕ್ಷೆಯಲ್ಲಿದ್ದ ರೈತರಿಗೆ ಶೇ 40ರಷ್ಟು ಕಡಿಮೆಯಾಗಿದೆ. ಸರಾಸರಿ ಇಳುವರಿ ಕುಸಿತ ಕಂಡಿದ್ದು, ಜತೆಗೆ ಬೆಲೆ ಕುಸಿತ ರೈತರ ಚಿಂತೆಗೆ ಕಾರಣವಾಗಿದೆ.

. ನಾಲವಾರ ವಲಯದಲ್ಲಿ ಈ ವರ್ಷ ದಾಖಲೆಯ 5,100 ಹೆಕ್ಟೇರ್ ಪ್ರದೇಶದಲ್ಲಿ ಶೇಂಗಾ ಬಿತ್ತನೆ ಮಾಡಲಾಗಿದೆ. ಅತಿವೃಷ್ಟಿಯಿಂದಾಗಿ ಈ ಬಾರಿ ಇಳುವರಿ ಕಡಿಮೆಯಾಗಿದೆ

. ಸತೀಶ್ ಪವಾರ, ಕೃಷಿ ಅಧಿಕಾರಿ, ರೈತ ಸಂಪರ್ಕ ಕೇಂದ್ರ, ನಾಲವಾರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶೇಂಗಾ ಧಾರಣೆ ಕುಸಿತ; ಆತಂಕ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ