ಗುವಿವಿ ಮೌಲ್ಯಮಾಪನ ವಿಭಾಗದ ಮಾಜಿ ಕುಲಸಚಿವ ಕೋವಿಡ್‌ನಿಂದ ‌ಸಾವು

ಕಲಬುರ್ಗಿ: ಇಲ್ಲಿನ ಗುಲಬರ್ಗಾ ‌ವಿಶ್ವವಿದ್ಯಾಲಯದ ಮೌಲ್ಯಮಾಪನ ವಿಭಾಗದ ಮಾಜಿ ಕುಲಸಚಿವ ಸಂಜೀವಕುಮಾರ್ ಎಂ. (45) ಅವರು ಹೈದರಾಬಾದ್‌ನ ಖಾಸಗಿ ಆಸ್ಪತ್ರೆಯಲ್ಲಿ ಕೋವಿಡ್‌ನಿಂದ ಶುಕ್ರವಾರ ನಿಧನರಾದರು.

ಪ್ರಸ್ತುತ ವಿಜಯಪುರದ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯದಲ್ಲಿ ವಾಣಿಜ್ಯ ವಿಭಾಗದ ಪ್ರಾಧ್ಯಾಪಕರಾಗಿದ್ದರು.

ಸಂಜೀವಕುಮಾರ್ ಮೂಲತಃ ಬೀದರ್ ಜಿಲ್ಲೆಯವರು. ಸಂಜೀವಕುಮಾರ್ ಅವರ ತಂದೆ ಒಂದು ವಾರದ ಹಿಂದೆಯೇ ಕೋವಿಡ್‌ನಿಂದ ಕಲಬುರ್ಗಿಯ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾಗಿದ್ದರು.

ಸಂಜೀವಕುಮಾರ್ ಅವರು ಗುಲಬರ್ಗಾ ವಿ.ವಿ. ಮೌಲ್ಯಮಾಪನ ಕುಲಸಚಿವರಾಗಿ, ವಿಜಯಪುರ ಮಹಿಳಾ ವಿ.ವಿ. ವಿತ್ತಾಧಿಕಾರಿಗಳಾಗಿ ಕಾರ್ಯನಿರ್ವಹಿಸಿದ್ದರು.