ವಾಡಿ: ಅರಿವಿನ ಹಣತೆ ಹಚ್ಚುವ ತೋಟೇಂದ್ರ ಶ್ರೀ

ಇನ್ನುಳಿದ ಮಠಾಧೀಶರ ಹಾಗೇ ಕೇವಲ ಧಾರ್ಮಿಕ ಕಾರ್ಯಗಳಿಗೆ ಮಾತ್ರ ಸೀಮಿತರಾಗದೇ ಕಲೆ, ಸಾಹಿತ್ಯ, ಸಾಂಸ್ಕೃತಿಕ ಹಾಗೂ ಬಹುಮುಖ್ಯವಾಗಿ ಶೈಕ್ಷಣಿಕ ಕ್ಷೇತ್ರದಲ್ಲಿ ತನ್ನ ಛಾಪು ಮೂಡಿಸುತ್ತಾ ಸಾಮಾಜಿಕ ಜವಾಬ್ದಾರಿ ನಿಭಾಯಿಸುತ್ತಿರುವ ಇವರು ಸಮಕಾಲೀನ ಸಮಾಜ ಸುಧಾರಕರಲ್ಲಿ ಅಗ್ರಗಣ್ಯರು.

ವಿಜ್ಞಾನ, ಸಿನಿಮಾರಂಗ, ಧರ್ಮ, ಕ್ರೀಡಾಲೋಕ, ಬಾಹ್ಯಕಾಶ, ರಾಜಕೀಯ ರಂಗ ಹೀಗೆ ಸಮಾಜದ ಪ್ರತಿ ಕ್ಷೇತ್ರದ ಮಹಾನೀಯ ವ್ಯಕ್ತಿಗಳನ್ನು ತಮ್ಮ ಮಠದ ಆವರಣದಲ್ಲಿ ಜರುಗುವ ಪ್ರತಿ ಕಾರ್ಯಕ್ರಮಕ್ಕೂ ಪ್ರೀತಿಯ ಸ್ವಾಗತ ನೀಡಿ ಭಕ್ತರಿಗೆ ಹತ್ತಿರವಾಗಿಸುವ ಮಹಾನ್ ಕಾರ್ಯ ನಡೆಸುತ್ತಾ ಬರುತ್ತಾ ಭಕ್ತರ ಮನ ತಣಿಸುತ್ತಿದ್ದಾರೆ.

ನಾವು ದೂರದಿಂದಲೂ ನೋಡಲು ಸಾಧ್ಯವಾಗದ ಮಹಾನ್ ಪುರುಷರನ್ನು ನಮ್ಮ ಹತ್ತಿರಕ್ಕೆ ಕರೆತಂದು ನಮ್ಮ ಬದುಕು ಪಾವನ ಮಾಡುತ್ತಿರುವ ಮಹಾನೀಯರು ನಮ್ಮ ಸಿದ್ಧ ತೋಟೇಂದ್ರರು ಎಂದು ಸ್ಥಳೀಯರು ಹೆಮ್ಮೆಯಿಂದ ನೆನೆಯುತ್ತಾರೆ.