ರೌಡಿಶೀಟರ್‌ ಬರ್ಬರ ಕೊಲೆ

ಕಲಬುರ್ಗಿ: ಇಲ್ಲಿನ ಪೀರ್ ಬೆಂಗಾವಲಿ ಮೈದಾನದಲ್ಲಿ ಶನಿವಾರ ನಸುಕಿನಲ್ಲಿ, ರೌಡಿಶೀಟರ್ ಒಬ್ಬನನ್ನು ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿ, ಪಾಲಿಕೆಯ ಕಸದ ತೊಟ್ಟಿಯಲ್ಲಿ ಎಸೆಯಲಾಗಿದೆ.

. ನಗರದ ಬುಲಂದ್ ಪರ್ವೇಜ್ ಕಾಲೊನಿಯ ನಿವಾಸಿ ಹಸನ್ ಅಲಿ ಅಲಿಯಾಸ್ ‘ಚಿಂದಿ ಹಸನ್’ (24) ಕೊಲೆಯಾದವ. ಇದೇ ಕಾಲೊನಿಯ ಅಬ್ಬಾಸ್ ಅಲಿ ಎನ್ನುವವರ ಮಗ. ಸುಮಾರು ಎಂಟು ವರ್ಷಗಳಿಂದ ಈತ ನಗರದಲ್ಲಿ ಪೇಂಟಿಂಗ್ ಕೆಲಸ ಮಾಡುತ್ತಿದ್ದ. ಕೆಲವು ವರ್ಷಗಳಿಂದ ದರೋಡೆ ಪ್ರಕರಣ ಪಾಲ್ಗೊಂಡು ಎರಡು ಬಾರಿ ಜೈಲು ಸೇರಿದ್ದ.

. 2016ರಲ್ಲಿ ಇವರ ಮನೆಯಲ್ಲೇ ಬಾಡಿಗೆಗೆ ಇದ್ದ, ಲಾರಿ ಕ್ಲೀನರ್ ರಾಮು ಗೊಲ್ಲಪ್ಪ ಬಲಕುಂಡಿ ಎಂಬ ಯುವಕನ್ನು ಹೊಡೆದು ಕೊಲೆ ಮಾಡಿದ್ದ. ನಾಲ್ಕು ವರ್ಷ ಜೈಲಿನಲ್ಲಿದ್ದು, ಇದೇ ಜನವರಿಯಲ್ಲಿ ಜಾಮೀನಿನ ಮೇಲೆ ಬಿಡುಗಡೆ ಹೊಂದಿ ಮನೆಗೆ ಮರಳಿದ್ದ ಎಂದು ಗ್ರಾಮೀಣ ಠಾಣೆ ಪೊಲೀಸರು ತಿಳಿಸಿದ್ದಾರೆ.

. ‘ಶನಿವಾರ ನಸುಕಿನ 4ಕ್ಕೆ ಸ್ನೇಹಿತರು ಫೋನ್ ಮಾಡಿ ಕರೆಸಿಕೊಂಡಿದ್ದರು. ಎಲ್ಲರೂ ಸೇರಿಕೊಂಡು ಸಾರಾಯಿ ಕುಡಿದು, ಗಾಂಜಾ ಸೇರಿದ್ದರು. ಕ್ಷುಲ್ಲಕ ಕಾರಣಕ್ಕೆ ಸ್ನೇಹಿತರ ಮಧ್ಯೆ ಜಗಳ ನಡೆದಿದ್ದು, ಚಾಕುವಿನಿಂದ ಇರಿದು ಕೊಲೆ ಮಾಡಿದ್ದಾರೆ. ನಂತರ ಕಸದ ತೊಟ್ಟಿಯಲ್ಲಿ ಶವ ಎಸೆದು, ಅದರ ಮೇಲೆ ಕಸ ಹಾಕಿ ಪರಾರಿಯಾಗಿದ್ದಾರೆ’ ಎಂದೂ ಮೂಲಗಳು ಮಾಹಿತಿ ನೀಡಿವೆ.

. ಪೀರ್ ಬೆಂಗಾವಲಿ ಮೈದಾನದ ಮೂಲೆಯಲ್ಲಿ ಇಟ್ಟಿದ್ದ ಕಸದ ತೊಟ್ಟಿಯಲ್ಲಿ ಶವ ಬಿದ್ದಿತ್ತು. ಶನಿವಾರ ನಸುಕಿನಲ್ಲಿ ಸುತ್ತಲಿನ ಜನ ಕಸ ಎಸೆಯಲು ಹೋದಾಗಲೇ ವಿಷಯ ಬಹಿರಂಗಗೊಂಡಿದೆ.

. ಸಿಂದಿ ಕುಡಿಯುತ್ತಿದ್ದ ಚಿಂದಿ ಹಸನ್: ಕೊಲೆಯಾದ ಹಸನ್ ಅಲಿ ಸಿಂದಿ (ಸೇಂದಿ) ಪ್ರಿಯನಾಗಿದ್ದ. ಕಾರಣ ಗೆಳೆಯರು ಈತನಿಗೆ ಸಿಂದಿ ಹಸನ್– ಚಿಂದಿ ಹಸನ್ ಎಂದು ಅಡ್ಡ ಹೆಸರು ಹಿಡಿದು ಕರೆಯುತ್ತಿದ್ದರ ಎನ್ನಲಾಗಿದೆ.

. ಡಿಸಿಪಿ ಡಿ.ಕಿಶೋರ್ ಬಾಬು, ಗ್ರಾಮೀಣ ಠಾಣೆಯ ಇನ್ಸ್ಪೆಕ್ಟರ್ ಸೋಮಲಿಂಗ ಕಿರೇದಳ್ಳಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ಹಸನ್ ಅಲಿಗೆ ಫೋನ್ ಮಾಡಿದ ಮೊಬೈಲ್ ನಂಬರ್ನ ಜಾಡು ಹಿಡಿದು ಆರೋಪಿಗಳ ಬಂಧನಕ್ಕೆ ಬಲೆ ಬೀಸಲಾಗಿದೆ.

. ಮೃತ ದೇಹವನ್ನು ಜಿಲ್ಲಾಸ್ಪತ್ರೆಗೆ ಸಾಗಿಸಿ, ಮರಣೋತ್ತರ ಪರೀಕ್ಷೆ ನಡೆಸಿ ಕುಟುಂಬದವರಿಗೆ ಹಸ್ತಾಂತರಿಸಲಾಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರೌಡಿಶೀಟರ್‌ ಬರ್ಬರ ಕೊಲೆ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ