ಸೇಡಂ: ಕಡಲೆ ಬೆಳೆಗೆ ಕೀಟನಾಶಕ ಸಿಂಪಡಿಸಿ, ಕೈ ತೊಳೆಯದೆ ಹಾಗೆ ಊಟ ಮಾಡಿದ ಪರಿಣಾಮ ತಾಲ್ಲೂಕಿನ ಖಂಡೇರಾಯನಪಲ್ಲಿ ಗ್ರಾಮದ ಅರುಣ ನರೇಶ ತಲಾರಿ (18) ಎಂಬ ಯುವಕ ಗುರುವಾರ ತಡರಾತ್ರಿ ಮೃತಪಟ್ಟಿದ್ದಾನೆ.
ಗ್ರಾಮದ ಸರ್ಕಾರಿ ಪ್ರೌಢಶಾಲೆಯಲ್ಲಿ 10ನೇ ತರಗತಿಯಲ್ಲಿ ಓದುತ್ತಿದ್ದ. ಅನೇಕ ದಿನಗಳಿಂದ ಹೊಟ್ಟೆ ನೋವಿನಿಂದ ಬಳಲುತ್ತಿದ್ದ ಎನ್ನಲಾಗಿದ್ದು, ಇದಕ್ಕಾಗಿ ಚಿಕಿತ್ಸೆಯನ್ನೂ ಪಡೆಯುತ್ತಿದ್ದ.
ಗುರುವಾರ ಕಡಲೆ ಬೆಳೆಗೆ ಕೀಟನಾಶಕ ಸಿಂಪಡಿಸಿ, ಕೈ ತೊಳೆಯದೆ ಮನೆಗೆ ಬಂದು ಊಟ ಮಾಡಿದಾಗ ಕೀಟನಾಶಕದ ಅಂಶ ಹೊಟ್ಟೆ ಸೇರಿ ಸಾವನ್ನಪ್ಪಿದ್ದಾನೆ.