ಹಲಕರ್ಟಿಯ ಮನೆಯಲ್ಲಿ ಜು.4ರಂದು ಮೊದಲ ಸಲ ಹಾವು ಕಚ್ಚಿದೆ. ತಕ್ಷಣ ಕಲಬುರಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಪಡೆದು ಮನೆಗೆ ಬಂದ ತಕ್ಷಣ ಜು.7ರಂದು ಮತ್ತೆ ಕಚ್ಚಿದೆ. ನಂತರ ಬಳಿರಾಮ್ ಚೌಕ್ ನಲ್ಲಿನ ಹೆಂಡತಿ ತವರು ಮನೆಗೆ ಕಳಿಸಿದೆ. ಅಲ್ಲಿ ಸಹ ಹಾವು 3 ಸಲ ಕಚ್ಚಿದೆ. ನಂತರ ಕೆಲಸಕ್ಕೆ ಜೊತೆಯಲ್ಲಿ ಕರೆದುಕೊಂಡು ಹೋದಾಗ ಅಲ್ಲಿ ಎರಡು ಸಲ ಕಚ್ಚಿದೆ. ಹೀಗೆ 2 ತಿಂಗಳಲ್ಲಿ 9 ಸಲ ಕೈಕಾಲಿಗೆ ಕಚ್ಚಿದೆ. ಮೊದಲು ನಾನು ನಂಬಿರಲಿಲ್ಲ. ಆದರೆ ಹಾವು ಕಚ್ಚಿದ ಗಾಯದ ಗುರುತುಗಳು ಹಾಗೂ ದೇಹದಲ್ಲಿ ಹಾವಿನ ವಿಷ ಸೇರಿಕೊಂಡಿರುವ ಕುರಿತು ಚಿಕಿತ್ಸೆ ನೀಡುವಾಗ ವೈದ್ಯರು ಹೇಳಿದ ಅಂಶಗಳು ಅಚ್ಚರಿ ಮೂಡಿಸುತ್ತಿವೆ ಎಂದು ಬಾಲಕನ ತಂದೆ ವಿಜಯಕುಮಾರ ತಿಳಿಸಿದರು.
