ಕಲಬುರಗಿ: ಬೆಂಗಳೂರಿನ ಬೈಯಪ್ಪನಹಳ್ಳಿ ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್‌ನಿಂದ ಕಲಬುರಗಿ ನಡುವೆ ಸಂಚರಿಸುವ ಎಸ್‌ಎಂವಿಬಿ – ಕೆಎಲ್‌ಬಿಜಿ ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲಿನ ಟಿಕೆಟ್ ದರ ಪ್ರಕಟವಾಗಿದೆ.
ಉಪಹಾರ ಸೇರಿ ಬೈಯಪ್ಪನಹಳ್ಳಿ ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್‌ನಿಂದ ಕಲಬುರಗಿವರೆಗಿನ ಚೇರ್ ಕಾರ್‌ (ಸಿಸಿ) ಪ್ರಯಾಣಕ್ಕೆ ₹ 1,465 ನಿಗದಿ ಮಾಡಲಾಗಿದೆ. ಎಕ್ಸಿಕ್ಯೂಟಿವ್ ಚೇರ್ ಕಾರ್‌ (ಇಸಿ) ಪ್ರಯಾಣಕ್ಕೆ ₹369 ಕ್ಯಾಟರಿಂಗ್, ಇತರೆ ಶುಲ್ಕ ಸೇರಿ ಒಟ್ಟು ₹ 2,700 ನಿಗದಿಪಡಿಸಲಾಗಿದೆ. ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್‌ನಿಂದ ಯಲಹಂಕವರೆಗಿನ 18 ಕಿ.ಮೀ. ಚೇರ್ ಕಾರ್‌ (ಸಿಸಿ) ಪ್ರಯಣಕ್ಕೆ ₹705 ನಿಗದಿ ಮಾಡಲಾಗಿದೆ.
ಕಲಬುರಗಿಯಿಂದ ಬೆಂಗಳೂರುವರೆಗಿನ ಎಕ್ಸಿಕ್ಯೂಟಿವ್ ಚೇರ್ ಕಾರ್‌ (ಇಸಿ) ಪ್ರಯಾಣಕ್ಕೆ ₹434 ಕ್ಯಾಟರಿಂಗ್, ಇತರೆ ಶುಲ್ಕಗಳು ಸೇರಿ ಒಟ್ಟು ₹ 2,765 ನಿಗದಿಪಡಿಸಲಾಗಿದೆ. ಚೇರ್ ಕಾರ್‌ಗೆ ₹ 1,540 ನಿಗದಿಪಡಿಸಲಾಗಿದೆ. ಆದರೆ, ವಾಡಿ ಮತ್ತು ಧರ್ಮಾವರಂ ನಿಲ್ದಾಣಗಳ ಟಿಕೆಟ್ ದರವು ಐಆರ್‌ಸಿಟಿಸಿಯಲ್ಲಿ ಪ್ರದರ್ಶನವಾಗುತ್ತಿಲ್ಲ.
ಕಲಬುರಗಿಯಿಂದ ಬೆಳಿಗ್ಗೆ 5 .15ಕ್ಕೆ ಹೊರಡುವ ರೈಲು ರಾಯಚೂರಿಗೆ 6.53, ಮಂತ್ರಾಲಯಂ ರೋಡ್ 7.08, ಗುಂತಕಲ್ 8.25, ಅನಂತಪುರ 9.28, ಯಲಹಂಕ 12.45, ಬೈಯಪ್ಪನಹಳ್ಳಿ ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್‌ಗೆ 2 ಗಂಟೆಗೆ ತಲುಪಲಿದೆ.
ಬೈಯ್ಯಪ್ಪನಹಳ್ಳಿಯಿಂದ ಮಧ್ಯಾಹ್ನ 2.40ಕ್ಕೆ ಹೊರಟು ಯಲಹಂಕಕ್ಕೆ 3.08, ಅನಂತಪುರ 5.58, ಗುಂತಕಲ್ 7, ಮಂತ್ರಾಲಯಂ ರೋಡ್ ರಾತ್ರಿ 8.15, ರಾಯಚೂರು 8.45 ಮತ್ತು ಕಲಬುರಗಿಗೆ ರಾತ್ರಿ 11.30ಕ್ಕೆ ತಲುಪಲಿದೆ.
ಕಲಬುರಗಿಯಿಂದ ಟಿಕೆಟ್ ದರ ಪಟ್ಟಿ (₹ಗಳಲ್ಲಿ)
ನಿಲ್ದಾಣಗಳು : ಚೇರ್ ಕಾರ್‌ : ಎಕ್ಸಿಕ್ಯೂಟಿವ್ ಚೇರ್ ಕಾರ್‌
ರಾಯಚೂರಿಗೆ : 520 : 1,005
ಮಂತ್ರಾಲಯಂ ರೋಡ್ : 570 : 1,105
ಗುಂತಕಲ್ : 860 : 1,590
ಅನಂತಪುರ : 970 : 1,805
ಯಲಹಂಕ : 1,510 : 2,710
ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್‌ : 1,540 : 2,765
