ಶನಿವಾರ, ಜುಲೈ 24, 2021
28 °C
ನಿರಾಶ್ರಿತರಿಗೆ ಮನೆ ಕೊಡಿಸುವುದಾಗಿ ₹ 25 ಸಾವಿರ ಲಂಚಕ್ಕೆ ಬೇಡಿಕೆ

ಎಸಿಬಿ ಬಲೆಗೆ ನಗರಸಭೆ ಬಿಲ್‌ಕಲೆಕ್ಟರ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮಡಿಕೇರಿ: ನಿರಾಶ್ರಿತರೊಬ್ಬರಿಗೆ ಮನೆ ಕೊಡಿಸುವುದಾಗಿ ಲಂಚಕ್ಕೆ ಬೇಡಿಕೆಯಿಟ್ಟಿದ್ದ ನಗರಸಭೆಯ ಬಿಲ್‌ಕಲೆಕ್ಟರ್‌ ಎ.ಜಿ.ಲೋಹಿತ್‌ಕುಮಾರ್‌ ಭ್ರಷ್ಟಾಚಾರ ನಿಗ್ರಹ ದಳ (ಎ.ಸಿ.ಬಿ) ಬಲೆಗೆ ಬಿದ್ದಿದ್ದಾರೆ.

 

ಇಂದಿರಾ ನಗರದ ಎಚ್‌.ಎಸ್‌.ಗಣೇಶ್‌ ಅವರ ಮನೆಯು 2018ರ ಪ್ರಾಕೃತಿಕ ವಿಕೋಪದಿಂದ ಸಂಪೂರ್ಣ ಕುಸಿದಿತ್ತು. ಜೂನ್‌ 4ರಂದು ವಿತರಣೆ ಮಾಡಿದ್ದ ಮನೆಯಲ್ಲಿ ಗಣೇಶ್‌ ಅವರಿಗೂ ಮನೆ ನಿಗದಿಯಾಗಿತ್ತು. ಲೋಹಿತ್‌ಕುಮಾರ್‌, ನಾನೇ ಮನೆ ಕೊಡಿಸಿದ್ದೇನೆಂದು ಹೇಳಿ, ₹ 25 ಸಾವಿರ ಲಂಚಕ್ಕೆ ಬೇಡಿಕೆಯಿಟ್ಟಿದ್ದರು. ಮುಂಗಡವಾಗಿ ₹ 5 ಸಾವಿರ ಪಡೆದುಕೊಂಡಿದ್ದು, ಶುಕ್ರವಾರ ಉಳಿಕೆ ₹ 20 ಸಾವಿರ ಲಂಚವನ್ನು ಎಪಿಎಂಸಿ ಆವರಣದಲ್ಲಿ ಪಡೆಯುವಾಗ ಎಸಿಬಿ ಬಲೆಗೆ ಬಿದ್ದಿದ್ದಾರೆ.

ಬಂಧಿತನಿಂದ ₹ 20 ಸಾವಿರ ಹಣ ವಶಕ್ಕೆ ಪಡೆದು ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಯಿತು.

ಮೈಸೂರು ವಲಯ ಎಸ್‌ಪಿ ರಶ್ಮಿ ಅವರ ಮಾರ್ಗದರ್ಶನದಲ್ಲಿ ಕೊಡಗು ಜಿಲ್ಲಾ ಭ್ರಷ್ಟಾಚಾರ ಪೊಲೀಸ್ ಠಾಣೆಯ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು