ನಾಪೋಕ್ಲು: ಇಲ್ಲಿನ ಭಾಗಮಂಡಲ ವ್ಯಾಪ್ತಿಯಲ್ಲಿ ಸುರಿದ ಭಾರಿ ಗಾಳಿ ಮಳೆಗೆ ಅಲ್ಲಲ್ಲಿ ಹಾನಿ ಸಂಭವಿಸಿದೆ. ಎರಡು ದಿನಗಳಿಂದ ಉತ್ತಮ ಮಳೆಯಾಗಿದೆ.
ಸಮೀಪದ ತಣ್ಣಿಮಾನಿ ಗ್ರಾಮದ ಕೃಷಿಕ ಮಲ್ಲೇಶ್ ಎಂಬುವರ ದನದ ಕೊಟ್ಟಿಗೆಯ ಮೇಲೆ ಸೋಮವಾರ ಸಂಜೆ ಮರ ಬಿದ್ದ ಪರಿಣಾಮ ಕೊಟ್ಟಿಗೆಗೆ ಹಾನಿಯಾಗಿದ್ದು, ಎತ್ತು ಮೃತಪಟ್ಟಿದೆ. ಮತ್ತೊಂದು ಎತ್ತಿನ ಕಾಲು ಮುರಿದಿದೆ.
ಸ್ಥಳಕ್ಕೆ ಭಾಗಮಂಡಲದ ಪಶು ವೈದ್ಯಾಧಿಕಾರಿ ಚೇತನ್ ತೆರಳಿ ಮರಣೋತ್ತರ ಪರೀಕ್ಷೆ ನಡೆಸಿದ್ದಾರೆ.