ಗೋಣಿಕೊಪ್ಪಲು: ಪೊನ್ನಂಪೇಟೆ ಸೇರಿದಂತೆ ಕಿರುಗೂರು, ಮತ್ತೂರು, ನಲ್ಲೂರು ಕುಂದ ಮೊದಲಾದ ಭಾಗಗಳಲ್ಲಿ ಶನಿವಾರ ಮಧ್ಯಾಹ್ನ ಉತ್ತಮ ಮಳೆ ಸುರಿಯಿತು.
ಬೆಳಿಗ್ಗೆ ಬಿಸಿಲಿನ ತಾಪಮಾನ ಏರಿತ್ತು. ಬಳಿಕ 2 ಗಂಟೆ ವೇಳೆಗೆ ಮೋಡಕವಿದು 20 ನಿಮಿಷಗಳ ಕಾಲ ರಭಸದ ಮಳೆ ಸುರಿಯಿತು. ಮಳೆ ನೀರಿಗೆ ರಸ್ತೆ ಬದಿಯ ಕಾಲುವೆಗಳು ತಂಬಿ ಹರಿದವು. ಡಾಂಬರ್ ರಸ್ತೆ ಮೇಲೆಲ್ಲ ನೀರು ಹರಿದಾಡಿತು. ವಾತಾವರಣ ತಂಪಾಯಿತು. ಒಣಗಿದ್ದ ಕಾಲುವೆಗಳು ಹಾಗೂ ಹೊಂಡಗಳಲ್ಲಿ ನೀರು ತುಂಬಿತ್ತು.
