ಗೃಹಭಾಗ್ಯ ಯೋಜನೆ | ಪೌರಕಾರ್ಮಿಕರಿಗೆ ವಸತಿ ಸಮುಚ್ಚಯ: ನಗರಸಭೆಯ ಹೊಸ ಮುನ್ನುಡಿ

ಸಮುಚ್ಚಯದಲ್ಲಿರುವ ಮನೆಗಳ ಸೌಂದರ್ಯ ಮತ್ತು ಸೌಲಭ್ಯ ಕಂಡು ಈಗ ಮನೆಗಳಿಗೆ ಬೇಡಿಕೆ ಬಂದಿದೆ. ಉಳಿದ ಪೌರಕಾರ್ಮಿಕರು ಸಹ ಮನೆಗಳನ್ನು ನೀಡುವಂತೆ ಕೋರುತ್ತಿದ್ದಾರೆ. ಒಂದು ಮನೆ ನಿರ್ಮಾಣಕ್ಕೆ ₹7.5 ವೆಚ್ಚವಾಗಿದ್ದು ಅದರಲ್ಲಿ ₹1.5 ಲಕ್ಷ ಮಾತ್ರ ಫಲಾನುಭವಿ ಭರಿಸಿದ್ದಾರೆ. ಅವರಿಗೆ ಸ್ವಾಧೀನ ಪತ್ರ ನೀಡಲಾಗಿದೆ. ಮೂವತ್ತು ವರ್ಷಗಳ ಕಾಲ ಅದನ್ನು ಪರಭಾರೆ ಮಾಡದಂತೆ ಷರತ್ತು ವಿಧಿಸಲಾಗಿದೆ. ಇನ್ನೂ 24 ಮನೆ ನಿರ್ಮಾಣ ಮಾಡಲು ಜಾಗವಿದ್ದು ಶೀಘ್ರದಲ್ಲಿಯೇ ಅಲ್ಲೂ ಮನೆ ನಿರ್ಮಾಣ ಮಾಡಲು ಕ್ರಮ ಕೈಗೊಳ್ಳಲಾಗುವುದು ಎಂದು ಪೌರಾಯುಕ್ತ ಪವನ್‌ಕುಮಾರ್‌ ತಿಳಿಸಿದ್ದಾರೆ.