ಗುರುವಾರ , ಮಾರ್ಚ್ 4, 2021
24 °C

ಶಂಕಿತ ಉಗ್ರ ಮೆಹಬೂಬ್‌ ಪಾಷಾ ಜತೆ ನಂಟು: ಕೋಲಾರದಲ್ಲಿ ಇಬ್ಬರ ಬಂಧನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

prajavani

ಕೋಲಾರ: ಇಸ್ಲಾಮಿಕ್‌ ಸ್ಟೇಟ್‌ (ಐಎಸ್‌) ಭಯೋತ್ಪಾದನೆ ಸಂಘಟನೆಯ ಶಂಕಿತ ಉಗ್ರ ಮೆಹಬೂಬ್‌ ಪಾಷಾ ಜತೆ ನಂಟು ಹೊಂದಿದ್ದ ಆರೋಪದ ಮೇಲೆ ನಗರದ ಮಹಮ್ಮದ್‌ ಜಹೀರ್‌ ಮತ್ತು ಸಲೀಂ ಖಾನ್‌ ಎಂಬುವರನ್ನು ತಮಿಳುನಾಡು ಹಾಗೂ ಬೆಂಗಳೂರಿನ ಸಿಸಿಬಿ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ.

ಮೆಹಬೂಬ್‌ ಪಾಷಾನ ಪತ್ನಿಯು ನಗರದ ನಿವಾಸಿಯಾಗಿದ್ದು, ಆತನ ಜತೆ ಜಹೀರ್‌ ಮತ್ತು ಸಲೀಂ ನಿರಂತರ ಸಂಪರ್ಕದಲ್ಲಿದ್ದ ಸಂಗತಿ ಪೊಲೀಸರ ತನಿಖೆಯಿಂದ ಬಯಲಾಗಿದೆ. ಬಂಧಿತ ಸಲೀಂ, ಮೊಹಬೂಬ್‌ ಪಾಷಾನ ಪತ್ನಿಯ ಸಂಬಂಧಿ. ಜಹೀರ್‌ ಮತ್ತು ಸಲೀಂ ಸ್ನೇಹಿತರು.

ಮೆಹಬೂಬ್‌ ಪಾಷಾ, ಸಲೀಂನ ಮೂಲಕ ಜಹೀರ್‌ನನ್ನು ಪರಿಚಯ ಮಾಡಿಕೊಂಡಿದ್ದ. ಬಿ.ಇ ಪದವೀಧರನಾದ ಜಹೀರ್‌, ಬೆಂಗಳೂರಿನಲ್ಲಿ ಇದ್ದುಕೊಂಡು ಮೆಹಬೂಬ್‌ ಪಾಷಾಗೆ ಭಯೋತ್ಪಾದನಾ ಚಟುವಟಿಕೆಗಳಿಗೆ ತಾಂತ್ರಿಕ ನೆರವು ನೀಡುತ್ತಿದ್ದ ಎಂದು ಉನ್ನತ ಪೊಲೀಸ್ ಮೂಲಗಳು ತಿಳಿಸಿವೆ.

ಹಲವು ಬಾರಿ ಕೋಲಾರಕ್ಕೆ ಬಂದಿದ್ದ ಮೆಹಬೂಬ್‌ ಪಾಷಾಗೆ ಸಲೀಂ ಆಶ್ರಯ ಕೊಟ್ಟಿದ್ದ. ಅಲ್ಲದೇ, ಸಲೀಂ ಅನೇಕ ಬಾರಿ ಮೆಹಬೂಬ್‌ ಪಾಷಾನ ಮೊಬೈಲ್‌ಗೆ ಕರೆ ಮಾಡಿ ಮಾತನಾಡಿದ್ದಾನೆ. ಮೊಬೈಲ್‌ ಕರೆಗಳ ಜಾಡು ಹಿಡಿದು ಸಲೀಂನನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಮೂಲಗಳು ಹೇಳಿವೆ.

ಸಿಸಿಬಿ ಮತ್ತು ತಮಿಳುನಾಡಿನ ಪೊಲೀಸ್‌ ಅಧಿಕಾರಿಗಳು ಜ.3ರಂದೇ ಜಹೀರ್‌ ಹಾಗೂ ಸಲೀಂನನ್ನು ಬಂಧಿಸಿ ಕರೆದೊಯ್ದಿದ್ದರು. ಈ ಬಗ್ಗೆ ಸ್ಥಳೀಯ ಪೊಲೀಸರಿಗೆ ಮಾಹಿತಿ ಇರಲಿಲ್ಲ. ನಗರದ ಖಾದ್ರಿಪುರದಲ್ಲಿ ವಾಸವಾಗಿದ್ದ ಸಲೀಂನ ಮನೆಯಲ್ಲಿ ಮೆಹಬೂಬ್‌ ಪಾಷಾನ ಲ್ಯಾಪ್‌ಟಾಪ್‌ ಮತ್ತು ಪೆನ್‌ಡ್ರೈವ್‌ ಪತ್ತೆಯಾಗಿದ್ದು, ಅವುಗಳನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು