ಕುಷ್ಟಗಿ: ಎಸ್ಸೆಸ್ಸೆಲ್ಸಿ ಪರೀಕ್ಷೆಯ ಮೌಲ್ಯಮಾಪಕರ ಎಡವಟ್ಟಿನಿಂದ ಕಡಿಮೆ ಅಂಕಗಳನ್ನು ಪಡೆದಿದ್ದ ಇಲ್ಲಿಯ ವಿದ್ಯಾರ್ಥಿ ಮರು ಎಣಿಕೆಯಲ್ಲಿ ಹೆಚ್ಚಿನ ಅಂಕಗಳನ್ನು ಪಡೆದಿದ್ದಾನೆ.
ಪಟ್ಟಣದ ಕ್ರೈಸ್ತ್ ದಿ ಕಿಂಗ್ ಶಾಲೆಯ ಅನಿರುದ್ಧ ಕುಲಕರ್ಣಿ ಫಲಿತಾಂಶ ಪ್ರಕಟಗೊಂಡಾಗ 625ಕ್ಕೆ 580 ಅಂಕಗಳನ್ನು ಪಡೆದಿದ್ದ. ಕಡಿಮೆ ಅಂಕಗಳು ಬಂದಿರುವುದು ಖಾತರಿಯಾಗಿ ಮರು ಎಣಿಕೆಗೆ ಅರ್ಜಿ ಸಲ್ಲಿಸಿದ್ದ. 43 ಅಂಕಗಳು ಹೆಚ್ಚಿಗೆ ಸೇರ್ಪಡೆಯಿಂದ 623 ಅಂಕಗಳನ್ನು ಪಡೆದಿದ್ದಾರೆ.
ಈ ಮೊದಲು ಪ್ರಕಟಿಸಿದಂತೆ ತಾಲ್ಲೂಕಿನ ಇಬ್ಬರು ವಿದ್ಯಾರ್ಥಿಗಳು 623 ಅಂಕಗಳನ್ನು ಪಡೆದಿದ್ದರು. ಈಗ ಜಿಲ್ಲೆಯಲ್ಲಿ ಹೆಚ್ಚು ಅಂಕ ಗಳಿಸಿದ ವಿದ್ಯಾರ್ಥಿಗಳಲ್ಲಿ ಅನಿರುದ್ಧ 3ನೇ ವಿದ್ಯಾರ್ಥಿಯಾಗಿದ್ದಾರೆ.