ಕಾರಟಗಿ | ಗ್ರಂಥಾಲಯ, ಪ್ರಯೋಗಾಲಯ ಇಲ್ಲ; ಅತಿಥಿ ಉಪನ್ಯಾಸಕರೇ ಎಲ್ಲ

ನಿತ್ಯ ಬಸ್‌ನಲ್ಲಿ ಕಾಲೇಜಿಗೆ ಹೋಗುವ ವಿದ್ಯಾರ್ಥಿಗಳು ಶಕ್ತಿ ಯೋಜನೆ (ಮಹಿಳೆಯರ ಉಚಿತ ಪ್ರಯಾಣ) ಬಗ್ಗೆ ತೀವ್ರ ಆಕ್ರೋಶ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಶಕ್ತಿ ಯೋಜನೆ ಆರಂಭದಿಂದಲೂ ವಿದ್ಯಾರ್ಥಿಗಳ ಪಾಲಿಗೆ ಮರಣ ಶಾಸನವಾಗಿದೆ. ಬಸ್‌ ನಿಲ್ದಾಣದ ಬಳಿ ಬಸ್‌ ನಿಲ್ಲದೆ ಹೋಗುವುದರಿಂದ ಶಿಕ್ಷಣದ ಬಗ್ಗೆ ನಿರಾಸೆ ಮೂಡಿಸಿದೆ. ಕಾದು ಕಾದು ಕೊನೆಗೆ ಕಾಲೇಜಿಗೆ ಹೋದರೆ ಅಲ್ಲೂ ಸಮಸ್ಯೆಗಳೇ ತಾಂಡವವಾಡುತ್ತಿವೆ. ‘ರಾಜಕೀಯ ಲಾಭಕ್ಕಾಗಿ ಗ್ಯಾರಂಟಿ ಯೋಜನೆಗಳ ಬದಲು ಅದೇ ಹಣವನ್ನು ಶಿಕ್ಷಣ ಆರೋಗ್ಯ ಬೆಲೆ ಕಡಿತಕ್ಕೆ ವಿನಿಯೋಗಿಸಿದ್ದರೆ ಈ ಸರ್ಕಾರ ಬಂದದ್ದಕ್ಕೂ ಸಾರ್ಥಕವಾಗುತ್ತಿತ್ತು. ಒಂದೆಡೆ ವಿವಿಧ ಬೆಲೆ ಏರಿಕೆ ಮಾಡಿ ಇರುವ ಹಣದ ದುರುಪಯೋಗ ಮಾಡಿ ಗ್ಯಾರಂಟಿ ಮುಂದುವರೆಸುತ್ತಿರುವುದು ಏಕೆ?’ ಎನ್ನುವುದು ವಿದ್ಯಾರ್ಥಿಗಳ ಮಾತು.