ಸಂಘಟನೆಯ ತಾಲ್ಲೂಕು ಘಟಕದ ಅಧ್ಯಕ್ಷ ಗ್ಯಾನೇಶ್ ಕಡಗದ್ ಮಾತನಾಡಿ,‘ಕಾರಟಗಿ ಹಾಗೂ ಕನಕಗಿರಿಯಲ್ಲೂ ಖಾಸಗಿ ಶಾಲೆಗಳು ಅಧಿಕ ಶುಲ್ಕ ವಸೂಲಿ ಮಾಡುತ್ತಿವೆ. ಕೋವಿಡ್ ಕಾರಣ ಸರ್ಕಾರ 2019-20 ನೇ ಸಾಲಿನ ಶೇ 70 ರಷ್ಟು ಶುಲ್ಕ ತೆಗೆದುಕೊಳ್ಳಲು ಆದೇಶ ಹೊರಡಿಸಿದೆ. ಆದರೆ, ಗಂಗಾವತಿಯಲ್ಲಿ ಅನೇಕ ಅನುದಾನ ರಹಿತ ಶಾಲೆಗಳು ತಮಗೆ ಮನ ಬಂದಂತೆ, ಇತಿ–ಮಿತಿಯಿಲ್ಲದೇ ಪೂರ್ಣ ಶುಲ್ಕ ಕಟ್ಟಿ, ಇಲ್ಲ. ನಿಮ್ಮ ಮಕ್ಕಳ ಟಿ.ಸಿ ತೆಗೆದುಕೊಂಡು ಹೋಗಿ ಎಂದು ಪಾಲಕರಿಗೆ ಬೆದರಿಕೆ ಒಡ್ಡುತ್ತಿವೆ’ ಎಂದು ಹೇಳಿದರು.