<p><strong>ಗಂಗಾವತಿ:</strong> ಮುಂದಿನ ನವೆಂಬರ್ನಲ್ಲಿ ನಗರದಲ್ಲಿ ನಡೆಯಲಿರುವ 78ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಆಗಮಿಸುವ ಅತಿಥಿಗಳಿಗೆ ಉತ್ತರ ಕರ್ನಾಟಕ ವಿಶೇಷತೆಯ ಭೋಜನ ವ್ಯವಸ್ಥೆ ಮಾಡಲು ಬರೋಬ್ಬರಿ ಅರ್ಧ ಕೋಟಿ ರೂಪಾಯಿ ಮೊತ್ತದ ಪ್ರಸ್ತಾವನೆ ಸಿದ್ದವಾಗಿದೆ.<br /> <br /> ಶುಕ್ರವಾರ ನಗರದಲ್ಲಿರುವ ಸಮ್ಮೇಳನದ ಸ್ವಾಗತ ಕಚೇರಿಯಲ್ಲಿ ಸ್ವಾಗತಿ ಸಮಿತಿ ಅಧ್ಯಕ್ಷ ಹಾಗೂ ಶಾಸಕ ಪರಣ್ಣ ಮುನವಳ್ಳಿ, ಆಹಾರ ಸಮಿತಿ ಅಧ್ಯಕ್ಷ ಉದ್ಯಮಿ, ಕೆ. ಕಾಳಪ್ಪ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಈ ಬಗ್ಗೆ ಚರ್ಚಿಸಲಾಯಿತು.<br /> <br /> ಸಮ್ಮೇಳನಕ್ಕೆ ಆಗಮಿಸುವ ರಾಜ್ಯದ ನಾನಾ ಜಿಲ್ಲೆಯ ಜನರಿಗೆ ಉತ್ತರ ಕರ್ನಾಟಕ ಶೈಲಿಯ ಸ್ವಾಧಿಷ್ಟ ಭೋಜನ ಏರ್ಪಾಡು ಮಾಡಲು ತೀರ್ಮಾನ ಕೈಗೊಂಡಿದ್ದು, ಅದಕ್ಕಾಗಿ ಅಂದಾಜು ಒಟ್ಟು ರೂ, 50 ಲಕ್ಷ ಮೊತ್ತದ ಅಗತ್ಯ ಇದೆ ಎಂದು ಶೇಖರಗೌಡ ಮಾಲಿ ಪಾಟೀಲ್ ಸಭೆಗೆ ವಿವರಿಸಿದರು. <br /> <br /> ಅಗತ್ಯವಾಗುವ ಭಾರಿ ಪ್ರಮಾಣದ ಸಂಪನ್ಮೂಲ ಕ್ರೋಡೀಕರಣಕ್ಕೆ ಯಾವ ವ್ಯವಸ್ಥೆ ಮಾಡಬೇಕು ಎಂಬುವುದರ ಬಗ್ಗೆ ಕೆಲ ಕಾಲ ಚರ್ಚೆ ನಡೆಯಿತು. ಮುಕ್ತ ಮನಸ್ಸಿನಿಂದ ಎಲ್ಲ ವ್ಯವಹಾರಸ್ಥರು ಸಹಾಯ ಮಾಡಬೇಕೆಂದು ಶಾಸಕ ಪರಣ್ಣ ಮನವಿ ಮಾಡಿದರು. <br /> <br /> ನಿರೀಕ್ಷಿತ ಭೋಜನಾ ವೆಚ್ಚ ಸುಮಾರು 50 ಲಕ್ಷ ಬಜೆಟ್ ಮೀರಿದರೆ, ಮಿಕ್ಕ ಹಣವನ್ನು ಗಂಗಾವತಿ ಕ್ಷೇತ್ರದ ಶಾಸಕರು ಭರಿಸುವ ಭರವಸೆ ನೀಡಿದ್ದಾರೆ ಎಂದು ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಕೋಟೆ ಬಸವರಾಜ ಹೇಳಿದರು. <br /> <br /> ಗಂಗಾವತಿ ನಗರ, ಕಾರಟಗಿ, ಕನಕಗಿರಿ, ಕೊಪ್ಪಳ ಕುಷ್ಟಗಿ, ಯಲಬುರ್ಗಾ ತಾಲ್ಲೂಕಿನ ಚುನಾಯಿತ ಹಾಲಿ-ಮಾಜಿ ಪ್ರತಿನಿಧಿಗಳ ನೆರವು ಪಡೆಯಬೇಕೆಂಬ ಸಲಹೆ ಸಭೆಯಲ್ಲಿ ವ್ಯಕ್ತವಾಯಿತು. ಉದ್ಯಮಿ, ವರ್ತಕರು, ಗುತ್ತಿಗೆದಾರರಿಂದಲೂ ಹಣ ಪಡೆಯುವಂತೆ ಸಲಹೆ ವ್ಯಕ್ತವಾದವು. <br /> <br /> ಸೆ. 15ಕ್ಕೆ ಅಂತಿಮ ಸಭೆ: ಹಣಕಾಸಿನ ವ್ಯವಸ್ಥೆಯ ಬಗ್ಗೆ ಅಂತಿಮ ನಿರ್ಧಾರ ಕೈಗೊಳ್ಳಲು ಸೆ. 15ರಂದು ಮತ್ತೊಂದು ಕೊನೆಯ ಸುತ್ತಿನ ಸಭೆ ಕರೆಯಲಾಗಿದೆ. ಅಂದು ಯಾವ ವ್ಯಕ್ತಿ, ಉದ್ಯಮಿ, ಸಂಘ-ಸಂಸ್ಥೆಗಳು ಎಷ್ಟು ದೇಣಿಗೆ ನೀಡಲಿದ್ದಾರೆ ಎಂದು ಬಸವರಾಜ ಕೋಟೆ ತಿಳಿಸಿದರು.<br /> <br /> ಈ ಸಂದರ್ಭದಲ್ಲಿ ಅಶೋಕಸ್ವಾಮಿ ಹೇರೂರು, ಎಸ್.ಬಿ. ಗೊಂಡಬಾಳ, ಎನ್. ಸೂರಿಬಾಬು, ಕೆ. ಸಣ್ಣ ಸೂಗಪ್ಪ, ಎಸ್. ವಿರುಪಾಕ್ಷಪ್ಪ. ರಾಜಶೇಖರ ಪಾಟೀಲ್, ಎನ್.ಆರ್. ಶ್ರೀನಿವಾಸ, ಎಸ್. ಸುರೇಶ, ಪದ್ಮಾ ವೀರಣ್ಣ, ಗುರುಪಾದಪ್ಪ ಮತ್ತಿತರ ಸುಮಾರು 150ಕ್ಕೂ ಹೆಚ್ಚು ವರ್ತಕರು ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗಂಗಾವತಿ:</strong> ಮುಂದಿನ ನವೆಂಬರ್ನಲ್ಲಿ ನಗರದಲ್ಲಿ ನಡೆಯಲಿರುವ 78ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಆಗಮಿಸುವ ಅತಿಥಿಗಳಿಗೆ ಉತ್ತರ ಕರ್ನಾಟಕ ವಿಶೇಷತೆಯ ಭೋಜನ ವ್ಯವಸ್ಥೆ ಮಾಡಲು ಬರೋಬ್ಬರಿ ಅರ್ಧ ಕೋಟಿ ರೂಪಾಯಿ ಮೊತ್ತದ ಪ್ರಸ್ತಾವನೆ ಸಿದ್ದವಾಗಿದೆ.<br /> <br /> ಶುಕ್ರವಾರ ನಗರದಲ್ಲಿರುವ ಸಮ್ಮೇಳನದ ಸ್ವಾಗತ ಕಚೇರಿಯಲ್ಲಿ ಸ್ವಾಗತಿ ಸಮಿತಿ ಅಧ್ಯಕ್ಷ ಹಾಗೂ ಶಾಸಕ ಪರಣ್ಣ ಮುನವಳ್ಳಿ, ಆಹಾರ ಸಮಿತಿ ಅಧ್ಯಕ್ಷ ಉದ್ಯಮಿ, ಕೆ. ಕಾಳಪ್ಪ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಈ ಬಗ್ಗೆ ಚರ್ಚಿಸಲಾಯಿತು.<br /> <br /> ಸಮ್ಮೇಳನಕ್ಕೆ ಆಗಮಿಸುವ ರಾಜ್ಯದ ನಾನಾ ಜಿಲ್ಲೆಯ ಜನರಿಗೆ ಉತ್ತರ ಕರ್ನಾಟಕ ಶೈಲಿಯ ಸ್ವಾಧಿಷ್ಟ ಭೋಜನ ಏರ್ಪಾಡು ಮಾಡಲು ತೀರ್ಮಾನ ಕೈಗೊಂಡಿದ್ದು, ಅದಕ್ಕಾಗಿ ಅಂದಾಜು ಒಟ್ಟು ರೂ, 50 ಲಕ್ಷ ಮೊತ್ತದ ಅಗತ್ಯ ಇದೆ ಎಂದು ಶೇಖರಗೌಡ ಮಾಲಿ ಪಾಟೀಲ್ ಸಭೆಗೆ ವಿವರಿಸಿದರು. <br /> <br /> ಅಗತ್ಯವಾಗುವ ಭಾರಿ ಪ್ರಮಾಣದ ಸಂಪನ್ಮೂಲ ಕ್ರೋಡೀಕರಣಕ್ಕೆ ಯಾವ ವ್ಯವಸ್ಥೆ ಮಾಡಬೇಕು ಎಂಬುವುದರ ಬಗ್ಗೆ ಕೆಲ ಕಾಲ ಚರ್ಚೆ ನಡೆಯಿತು. ಮುಕ್ತ ಮನಸ್ಸಿನಿಂದ ಎಲ್ಲ ವ್ಯವಹಾರಸ್ಥರು ಸಹಾಯ ಮಾಡಬೇಕೆಂದು ಶಾಸಕ ಪರಣ್ಣ ಮನವಿ ಮಾಡಿದರು. <br /> <br /> ನಿರೀಕ್ಷಿತ ಭೋಜನಾ ವೆಚ್ಚ ಸುಮಾರು 50 ಲಕ್ಷ ಬಜೆಟ್ ಮೀರಿದರೆ, ಮಿಕ್ಕ ಹಣವನ್ನು ಗಂಗಾವತಿ ಕ್ಷೇತ್ರದ ಶಾಸಕರು ಭರಿಸುವ ಭರವಸೆ ನೀಡಿದ್ದಾರೆ ಎಂದು ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಕೋಟೆ ಬಸವರಾಜ ಹೇಳಿದರು. <br /> <br /> ಗಂಗಾವತಿ ನಗರ, ಕಾರಟಗಿ, ಕನಕಗಿರಿ, ಕೊಪ್ಪಳ ಕುಷ್ಟಗಿ, ಯಲಬುರ್ಗಾ ತಾಲ್ಲೂಕಿನ ಚುನಾಯಿತ ಹಾಲಿ-ಮಾಜಿ ಪ್ರತಿನಿಧಿಗಳ ನೆರವು ಪಡೆಯಬೇಕೆಂಬ ಸಲಹೆ ಸಭೆಯಲ್ಲಿ ವ್ಯಕ್ತವಾಯಿತು. ಉದ್ಯಮಿ, ವರ್ತಕರು, ಗುತ್ತಿಗೆದಾರರಿಂದಲೂ ಹಣ ಪಡೆಯುವಂತೆ ಸಲಹೆ ವ್ಯಕ್ತವಾದವು. <br /> <br /> ಸೆ. 15ಕ್ಕೆ ಅಂತಿಮ ಸಭೆ: ಹಣಕಾಸಿನ ವ್ಯವಸ್ಥೆಯ ಬಗ್ಗೆ ಅಂತಿಮ ನಿರ್ಧಾರ ಕೈಗೊಳ್ಳಲು ಸೆ. 15ರಂದು ಮತ್ತೊಂದು ಕೊನೆಯ ಸುತ್ತಿನ ಸಭೆ ಕರೆಯಲಾಗಿದೆ. ಅಂದು ಯಾವ ವ್ಯಕ್ತಿ, ಉದ್ಯಮಿ, ಸಂಘ-ಸಂಸ್ಥೆಗಳು ಎಷ್ಟು ದೇಣಿಗೆ ನೀಡಲಿದ್ದಾರೆ ಎಂದು ಬಸವರಾಜ ಕೋಟೆ ತಿಳಿಸಿದರು.<br /> <br /> ಈ ಸಂದರ್ಭದಲ್ಲಿ ಅಶೋಕಸ್ವಾಮಿ ಹೇರೂರು, ಎಸ್.ಬಿ. ಗೊಂಡಬಾಳ, ಎನ್. ಸೂರಿಬಾಬು, ಕೆ. ಸಣ್ಣ ಸೂಗಪ್ಪ, ಎಸ್. ವಿರುಪಾಕ್ಷಪ್ಪ. ರಾಜಶೇಖರ ಪಾಟೀಲ್, ಎನ್.ಆರ್. ಶ್ರೀನಿವಾಸ, ಎಸ್. ಸುರೇಶ, ಪದ್ಮಾ ವೀರಣ್ಣ, ಗುರುಪಾದಪ್ಪ ಮತ್ತಿತರ ಸುಮಾರು 150ಕ್ಕೂ ಹೆಚ್ಚು ವರ್ತಕರು ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>