ಮಂಡ್ಯ| ಸಾಲಬಾಧೆ, ಅನಾರೋಗ್ಯದಿಂದ ನೊಂದಿದ್ದ ದಂಪತಿ ಆತ್ಮಹತ್ಯೆ

ಚಿಕ್ಕತಾಯಮ್ಮ(52), ಚಿಕ್ಕೇಗೌಡ (62) ಆತ್ಮಹತ್ಯೆ ಮಾಡಿಕೊಂಡ ದಂಪತಿ. ದಂಪತಿಗೆ ಇಬ್ಬರು ಹೆಣ್ಣು ಮಕ್ಕಳು, ಒಬ್ಬ ಗಂಡು ಮಗ ಇದ್ದಾರೆ. ಇವರಿಗೆ ಕೇವಲ 20 ಗುಂಟೆ ಜಮೀನಿತ್ತು. ಇದರಲ್ಲಿ ಬರುವ ಆದಾಯದಿಂದಲೇ ಜೀವನ ಸಾಗಿಸುತ್ತಿದ್ದರು. ಈ ಮಧ್ಯೆ ಕೆಲವು ತಿಂಗಳುಗಳ ಹಿಂದೆ ಚಿಕ್ಕತಾಯಮ್ಮ ಪಾರ್ಶ್ವವಾಯು(ಲಕ್ವ) ಪೀಡಿತರಾಗಿದ್ದರು, ಚಿಕಿತ್ಸೆಗೆ ಹಣ ಹೊಂದಿಸಲು ಪರಿತಪಿಸುತ್ತಿದ್ದರು.

ಚಿಕಿತ್ಸೆಗಾಗಿ ಚಿಕ್ಕೇಗೌಡ ಸಂಬಂಧಿಗಳು, ಪರಿಚಯಸ್ಥರ ಬಳಿ ಸಾಲ ಮಾಡಿದ್ದರು. ಇದರಿಂದ ದಿನದಿಂದ ದಿನಕ್ಕೆ ಆರ್ಥಿಕ ಮುಗ್ಗಟ್ಟು ಹೆಚಾಗಿದ್ದರಿಂದ ಮನನೊಂದ ದಂಪತಿ ಮಂಗಳವಾರ ಮನೆಯಲ್ಲಿ ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮಂಗಳವಾರ ಗ್ರಾಮದ ರುದ್ರಭೂಮಿಯಲ್ಲಿ ಅಂತ್ಯಕ್ರಿಯೆ ನಡೆಯಿತು. ಈ ಸಂಬಂಧ ಪೊಲೀಸ್‌ ಠಾಣಡೆಯಲ್ಲಿ ಯಾವುದೇ ಪ್ರಕರಣ ದಾಖಲಾಗಿಲ್ಲ.