ಶಿಕ್ಷಕರ ಸೇವೆ ಅನುಕರಣೀಯ:  ಶಾಸಕ ಎಚ್.ಟಿ. ಮಂಜು

ಪಟ್ಟಣದ ಕೆಪಿಎಸ್ (ಶತಮಾನದ ಶಾಲೆಯ ) ಶಾಲೆಯ ಆವರಣದಲ್ಲಿ ತಾಲ್ಲೂಕು ಆಡಳಿತ ಮತ್ತು ಶಿಕ್ಷಕರ ದಿನಾಚರಣೆ ಆಚರಣಾ ಸಮಿತಿಯ  ಆಯೋಜಿಸಿದ್ದ ಶಿಕ್ಷಕರ ದಿನಾಚರಣೆಯನ್ನು ಉದ್ಘಾಟಿಸಿ  ನಿವೃತ್ತ  ಶಿಕ್ಷಕರನ್ನು ಸನ್ಮಾನಿಸಿ ಅವರು ಮಾತನಾಡಿದರು.

ಶಿಕ್ಷಕರು ಶಿಕ್ಷಣದ ಜೊತೆಗೆ ವಿದ್ಯಾರ್ಥಿಗಳಲ್ಲಿ ಸಂಸ್ಕಾರ ತುಂಬುವ ಕೆಲಸವನ್ನು ಮಾಡುತಿದ್ದಾರೆ. ಅಜ್ಞಾನವನ್ನು ಹೋಗಲಾಡಿಸಿ, ಒಳ್ಳೆಯದನ್ನು ಕಲಿಸುವ ಪಾತ್ರದಲ್ಲಿ ಶಿಕ್ಷಕರು ಶ್ರಮಿಸುತ್ತಿರುವದರಿಂದಲೇ ಆರೋಗ್ಯವಂತ ಸಮಾಜ ನಿರ್ಮಾಣವಾಗಲು ಸಾಧ್ಯವಾಗಿದೆ ಎಂದರು.

ಬೇಬಿಬೆಟ್ಟದ ಶ್ರೀ ರಾಮ ಯೋಗಿಶ್ವರ ಮಠದ  ಶಿವ ಬಸವ ಸ್ವಾಮೀಜಿ ಸ ಸಾನ್ನಿಧ್ಯವಹಿಸಿ ಮಾತನಾಡಿ,  ಕೇವಲ ಸಂಬಳಕ್ಕೆ ದುಡಿಯುವ ಶಿಕ್ಷಕರಾಗದೆ ವಿದ್ಯಾರ್ಥಿ ಮತ್ತು ಅವರ ಪೋಷಕರ ಮನದಲ್ಲಿ ಉಳಿಯುವ ಶಿಕ್ಷಕರಾಗಬೇಕು  ಎಂದರು.

ಕ್ಷೇತ್ರ ಶಿಕ್ಷಣಾಧಿಕಾರಿ ಆರ್.ಎಸ್. ಸೀತಾರಾಮು,  ರಾಜ್ಯ ಸರ್ಕಾರಿ ನೌಕರರ ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ಸಿ.ಕೆ.ಶಿವರಾಮೇಗೌಡ, ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ಪೂರ್ಣಚಂದ್ರ ತೇಜಸ್ವಿ,  ಕ್ಷೇತ್ರ ಸಮನ್ವಯ ಅಧಿಕಾರಿ ಮಂಜುನಾಥ್, ಬಿಸಿಯೂಟ ಸಹಾಯಕ ನಿರ್ದೇಶಕ ಯತೀಶ್ , ಶಾಸಕ  ಮಂಜು ಅವರ ಪುತ್ರಿ  ವರ್ಷ ಎಂ.ಗೌಡ  ಮಾತನಾಡಿದರು.

ನಿವೃತ್ತರಾದ ಪ್ರಾಥಮಿಕ ,ಪ್ರೌಢಶಾಲೆಯ ಶಿಕ್ಷಕರು ಮತ್ತು ಪದವಿಪೂರ್ವ ಕಾಲೇಜಿನ ಉಪನ್ಯಾಸಕರನ್ನು ಗೌರವಿಸಲಾಯಿತು. ತಹಶೀಲ್ದಾರ್ ಜಿ. ಆದರ್ಶ, ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಕೆ.ಸುಷ್ಮಾ, ವಿವಿಧ ಸಂಘ ಸಂಸ್ಥೆಗಳ ಪದಾಧಿಕಾರಿಗಳಾದ ಪದ್ಮೇಶ್, ಎಸ್.ಎಲ್.ಧರ್ಮಪ್ಪ, ಆರ್.ಕೆ.ರಮೇಶ್, ಪಿ.ಜೆ.ಕುಮಾರ, ಸಿ.ಟಿ. ಲಕ್ಷ್ಮಣಗೌಡ, ಎಸ್. ಎಂ. ಬಸವರಾಜು, ವಿಜಿ ನಾರಾಯಣ, ಬಿ.ಎಲ್. ಮಂಜುನಾಥ್, ಡಿ.ಪಿ. ವೆಂಕಟೇಗೌಡ, ಡಿ.ಬಿ.ಸತ್ಯ, ಜೆ. ಪ್ರಭುಕುಮಾರ್, ಬಿಸಿಎಂ ಅಧಿಕಾರಿ ವೆಂಕಟೇಶ್, ಗ್ರೇಡ್2 ತಹಶೀಲ್ದಾರ್ ಲೋಕೇಶ್ . ರವಿಕುಮಾರ್, ಅಧಿಕಾರಿಗಳು ಮತ್ತು ಶಿಕ್ಷಕರು ಭಾಗವಹಿಸಿದ್ದರು.