<p>ಮಳವಳ್ಳಿ: ಬರ ಪರಿಸ್ಥಿತಿಯ ತೀವ್ರತೆ ಮಳವಳ್ಳಿಯಲ್ಲಿಯೂ ಹೆಚ್ಚಿದ್ದು, ತಾಲ್ಲೂಕಿನ ಹಲವು ಕೆರೆಗಳಲ್ಲಿ ನೀರು ಬರಿದಾಗಿದ್ದು, ಜನ ಜಾನುವಾರಗಳಿಗೆ ಕುಡಿಯುವ ನೀರಿಗೆ ಪರದಾಡುವಂತಾಗಿದೆ.<br /> <br /> ತಾಲ್ಲೂಕಿನ ಕಿರುಗಾವಲು ಹೋಬಳಿ ಮಿಕ್ಕೆರೆ ಗ್ರಾಮದ ಸುಮಾರು 80 ಎಕರೆ ವಿಸ್ತೀರ್ಣದ ಕೆರೆಯಲ್ಲಿ ಒಂದು ತೊಟ್ಟು ನೀರಿಲ್ಲ. ಕೃಷ್ಣರಾಜಸಾಗರದಿಂದ ಕಾಲುವೆ ಮೂಲಕ ಬರುವ ನೀರು ಮೊದಲು ತುಂಬುವುದೇ ಮಿಕ್ಕೆರೆ ಗ್ರಾಮದ ಕೆರೆ. ಆದರೆ ಪ್ರಸ್ತುತ ಈ ಕೆರೆಯೆ ನೀರಿಲ್ಲದೆ ನೆಲ ಬಿರುಕುಬಿಟ್ಟಿದೆ.<br /> <br /> ಇದರ ಪರಿಣಾಮ ಜಾನುವಾರುಗಳಿಗೆ ತೊಂದರೆಯಾಗಿದೆ. ಸದ್ಯ, ಜಾನುವಾರುಗಳಿಗೆ ನೀರು ಒದಗಿಸಲು ಅಲ್ಲಲ್ಲಿ ನೀರಿನ ತೊಟ್ಟಿಗಳನ್ನು ನಿರ್ಮಿಸಲಾಗಿದೆ. ಕೆರೆಯಲ್ಲಿ ನೀರಿಲ್ಲದ ಕಾರಣ ಅದನ್ನು ನಂಬಿದ್ದ ರೈತರಿಗೂ ಕೃಷಿ ಚಟುವಟಿಕೆಗೆ ಹಿನ್ನಡೆಯಾಗಿದೆ. ಅಲ್ಲದೆ ಅಂತರ್ಜಲ ಸಹ ಕುಸಿದಿದೆ.<br /> <br /> ತಾಲ್ಲೂಕಿನ ಬಿ.ಜಿ.ಪುರ ಹೋಬಳಿಯ ಬಹುತೇಕ ಕೆರೆ, ಪಟ್ಟಣದ ಸಮೀಪವಿರುವ ಮಾರೇಹಳ್ಳಿ ಕೆರೆ, ಹಾಡ್ಲಿ, ಅಗಸನಪುರ ಕೆರೆಯಲ್ಲಿ ನೀರಿಲ್ಲ. ಬೆಳಕವಾಡಿ ಕೆರೆಯಲ್ಲಿ ನೀರಿಗಿಂತಲೂ ಗಿಡಗಂಟೆ, ಹೂಳು ತುಂಬಿಹೋಗಿವೆ.<br /> <br /> ಕಳೆದ ವರ್ಷ ಹಲವು ಕೆರೆಗಳ ಹೂಳುತೆಗೆಸಿ ನೀರನ್ನು ಹೆಚ್ಚು ಸಂಗ್ರಹಿಸುವ ಉದ್ದೇಶ ಹೊಂದಲಾಗಿತ್ತು. ಆದರೆ ಕೃಷ್ಣರಾಜಸಾಗರದಲ್ಲೂ ನೀರಿನ ಪ್ರಮಾಣವು ಕಡಿಮೆಯಾಗಿದ್ದು ಮಳೆಯೂ ಬಾರದೆ ಬರದ ಛಾಯೆ ಎದ್ದು ಕಾಣುತ್ತಿದೆ.<br /> <br /> ಕುಡಿಯುವ ನೀರಿನ ಸಮಸ್ಯೆ: ತಾಲ್ಲೂಕಿನ ಲಿಂಗಪಟ್ಟಣ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ವಡ್ಡರದೊಡ್ಡಿ, ಬಸವನಪುರ, ಬಸವನಬೆಟ್ಟ, ಬ್ಯಾಡರಹಳ್ಳಿ ವ್ಯಾಪ್ತಿ ಬಿ.ಜಿ.ಪುರ ಹೋಬಳಿ ಚೊಟ್ಟನಹಳ್ಳಿ ಪಂಚಾಯಿತಿ ವ್ಯಾಪ್ತಿಯ ಕೆಂಚನದೊಡ್ಡಿ ಕುಡಿಯುವ ನೀರಿನ ಸಮಸ್ಯೆ ತಲೆದೋರಿದೆ.<br /> <br /> ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಕೆ.ಎಚ್.ಓಂಕಾರಪ್ಪ ಅವರನ್ನು ಸಂಪರ್ಕಿಸಿದಾಗ, ಕುಡಿಯುವ ನೀರು ಸಮಸ್ಯೆ ಇರುವ ವಡ್ಡರದೊಡ್ಡಿಗೆ ಟ್ಯಾಂಕರ್ ಮೂಲಕ ನೀರು ಪೂರೈಸಲಾಗುತ್ತಿದೆ. ಉಳಿದೆಡೆ, ಬೋರ್ವೆಲ್ ಮೂಲಕ ಪಡೆಯಲು ಹೆಚ್ಚಿನ ಆಳ ಕೊರೆಸಬೇಕಾಗಿದೆ.<br /> <br /> ಅಂತರ್ಜಲ ಕುಸಿತದಿಂದ ನೀರು ಸಹ ಕಡಿಮೆಯಾಗುತ್ತಿದೆ. ಆದರೆ ಯಾವುದೇ ಭಾಗದಲ್ಲೂ ಕುಡಿಯುವ ನೀರಿನ ಸಮಸ್ಯೆ ಇದ್ದರೆ ಕೂಡಲೇ ದೂ. 244000 ಸಂಪರ್ಕಿಸಲು ಕೋರಿ, ನೀರಿನ ಪೂರೈಕೆಗೆ ಅಗತ್ಯ ಕ್ರಮಕೈಗೊಳ್ಳಲಾಗುವುದು ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಳವಳ್ಳಿ: ಬರ ಪರಿಸ್ಥಿತಿಯ ತೀವ್ರತೆ ಮಳವಳ್ಳಿಯಲ್ಲಿಯೂ ಹೆಚ್ಚಿದ್ದು, ತಾಲ್ಲೂಕಿನ ಹಲವು ಕೆರೆಗಳಲ್ಲಿ ನೀರು ಬರಿದಾಗಿದ್ದು, ಜನ ಜಾನುವಾರಗಳಿಗೆ ಕುಡಿಯುವ ನೀರಿಗೆ ಪರದಾಡುವಂತಾಗಿದೆ.<br /> <br /> ತಾಲ್ಲೂಕಿನ ಕಿರುಗಾವಲು ಹೋಬಳಿ ಮಿಕ್ಕೆರೆ ಗ್ರಾಮದ ಸುಮಾರು 80 ಎಕರೆ ವಿಸ್ತೀರ್ಣದ ಕೆರೆಯಲ್ಲಿ ಒಂದು ತೊಟ್ಟು ನೀರಿಲ್ಲ. ಕೃಷ್ಣರಾಜಸಾಗರದಿಂದ ಕಾಲುವೆ ಮೂಲಕ ಬರುವ ನೀರು ಮೊದಲು ತುಂಬುವುದೇ ಮಿಕ್ಕೆರೆ ಗ್ರಾಮದ ಕೆರೆ. ಆದರೆ ಪ್ರಸ್ತುತ ಈ ಕೆರೆಯೆ ನೀರಿಲ್ಲದೆ ನೆಲ ಬಿರುಕುಬಿಟ್ಟಿದೆ.<br /> <br /> ಇದರ ಪರಿಣಾಮ ಜಾನುವಾರುಗಳಿಗೆ ತೊಂದರೆಯಾಗಿದೆ. ಸದ್ಯ, ಜಾನುವಾರುಗಳಿಗೆ ನೀರು ಒದಗಿಸಲು ಅಲ್ಲಲ್ಲಿ ನೀರಿನ ತೊಟ್ಟಿಗಳನ್ನು ನಿರ್ಮಿಸಲಾಗಿದೆ. ಕೆರೆಯಲ್ಲಿ ನೀರಿಲ್ಲದ ಕಾರಣ ಅದನ್ನು ನಂಬಿದ್ದ ರೈತರಿಗೂ ಕೃಷಿ ಚಟುವಟಿಕೆಗೆ ಹಿನ್ನಡೆಯಾಗಿದೆ. ಅಲ್ಲದೆ ಅಂತರ್ಜಲ ಸಹ ಕುಸಿದಿದೆ.<br /> <br /> ತಾಲ್ಲೂಕಿನ ಬಿ.ಜಿ.ಪುರ ಹೋಬಳಿಯ ಬಹುತೇಕ ಕೆರೆ, ಪಟ್ಟಣದ ಸಮೀಪವಿರುವ ಮಾರೇಹಳ್ಳಿ ಕೆರೆ, ಹಾಡ್ಲಿ, ಅಗಸನಪುರ ಕೆರೆಯಲ್ಲಿ ನೀರಿಲ್ಲ. ಬೆಳಕವಾಡಿ ಕೆರೆಯಲ್ಲಿ ನೀರಿಗಿಂತಲೂ ಗಿಡಗಂಟೆ, ಹೂಳು ತುಂಬಿಹೋಗಿವೆ.<br /> <br /> ಕಳೆದ ವರ್ಷ ಹಲವು ಕೆರೆಗಳ ಹೂಳುತೆಗೆಸಿ ನೀರನ್ನು ಹೆಚ್ಚು ಸಂಗ್ರಹಿಸುವ ಉದ್ದೇಶ ಹೊಂದಲಾಗಿತ್ತು. ಆದರೆ ಕೃಷ್ಣರಾಜಸಾಗರದಲ್ಲೂ ನೀರಿನ ಪ್ರಮಾಣವು ಕಡಿಮೆಯಾಗಿದ್ದು ಮಳೆಯೂ ಬಾರದೆ ಬರದ ಛಾಯೆ ಎದ್ದು ಕಾಣುತ್ತಿದೆ.<br /> <br /> ಕುಡಿಯುವ ನೀರಿನ ಸಮಸ್ಯೆ: ತಾಲ್ಲೂಕಿನ ಲಿಂಗಪಟ್ಟಣ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ವಡ್ಡರದೊಡ್ಡಿ, ಬಸವನಪುರ, ಬಸವನಬೆಟ್ಟ, ಬ್ಯಾಡರಹಳ್ಳಿ ವ್ಯಾಪ್ತಿ ಬಿ.ಜಿ.ಪುರ ಹೋಬಳಿ ಚೊಟ್ಟನಹಳ್ಳಿ ಪಂಚಾಯಿತಿ ವ್ಯಾಪ್ತಿಯ ಕೆಂಚನದೊಡ್ಡಿ ಕುಡಿಯುವ ನೀರಿನ ಸಮಸ್ಯೆ ತಲೆದೋರಿದೆ.<br /> <br /> ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಕೆ.ಎಚ್.ಓಂಕಾರಪ್ಪ ಅವರನ್ನು ಸಂಪರ್ಕಿಸಿದಾಗ, ಕುಡಿಯುವ ನೀರು ಸಮಸ್ಯೆ ಇರುವ ವಡ್ಡರದೊಡ್ಡಿಗೆ ಟ್ಯಾಂಕರ್ ಮೂಲಕ ನೀರು ಪೂರೈಸಲಾಗುತ್ತಿದೆ. ಉಳಿದೆಡೆ, ಬೋರ್ವೆಲ್ ಮೂಲಕ ಪಡೆಯಲು ಹೆಚ್ಚಿನ ಆಳ ಕೊರೆಸಬೇಕಾಗಿದೆ.<br /> <br /> ಅಂತರ್ಜಲ ಕುಸಿತದಿಂದ ನೀರು ಸಹ ಕಡಿಮೆಯಾಗುತ್ತಿದೆ. ಆದರೆ ಯಾವುದೇ ಭಾಗದಲ್ಲೂ ಕುಡಿಯುವ ನೀರಿನ ಸಮಸ್ಯೆ ಇದ್ದರೆ ಕೂಡಲೇ ದೂ. 244000 ಸಂಪರ್ಕಿಸಲು ಕೋರಿ, ನೀರಿನ ಪೂರೈಕೆಗೆ ಅಗತ್ಯ ಕ್ರಮಕೈಗೊಳ್ಳಲಾಗುವುದು ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
