‘ಧಾರಣೆ ಕಡಿಮೆ ಇರುವ ಕಾರಣ ಮಾರ್ಚ್ ತಿಂಗಳಿನಲ್ಲಿ ಬೆಳೆದ ಸುಮಾರು 800 ರಿಂದ 900 ಪ್ಯಾಕೆಟ್ (5 ಲೋಡ್) ಈರುಳ್ಳಿ ಶೆಡ್ನಲ್ಲಿ ಹಾಕಿದ್ದೇನೆ. ಈ ವಾರ ಮಾರುಕಟ್ಟೆಯಲ್ಲಿ ಪ್ರತಿ ಕ್ವಿಂಟಲ್ ಈರುಳ್ಳಿಗೆ ₹1,100 ರಿಂದ ₹1,200 ಧಾರಣೆ ಇದ್ದು, ಇದಕ್ಕೂ ಹೆಚ್ಚಿನ ಬೆಲೆಗೆ ಮಾರಾಟ ಆಗಿದೆ. ಮುಂದಿನ ವಾರ ಧಾರಣೆ ಹೆಚ್ಚಳಗೊಳ್ಳುವ ನಿರೀಕ್ಷೆಯಿದೆ. ಲೋಡ್ ಈರುಳ್ಳಿ ಬೆಳೆಯಲು ₹ 60 ರಿಂದ ₹70 ಸಾವಿರ ಖರ್ಚು ಮಾಡಿದ್ದು, ಕನಿಷ್ಠ ₹1,500 ರಿಂದ ₹ 2 ಸಾವಿರ ವರೆಗೆ ಮಾರಾಟವಾದರೆ ಮಾತ್ರ ಒಳ್ಳೆಯ ಆದಾಯ ಸಿಕ್ಕಂತಾಗುತ್ತದೆ’ ಎನ್ನುತ್ತಾರೆ ಗೊಳಸಂಗಿ ಗ್ರಾಮದ ರೈತ ಅಮೃತ ಯಾದವ.