<p><strong>ಮೈಸೂರು</strong>: ಎಲ್ಲಿ ನೋಡಿದರಲ್ಲಿ ಭಕ್ತರು, ಮೆಟ್ಟಿಲುಗಳ ಮೇಲೂ ಸರತಿಸಾಲುಗಳು, ಪ್ರತಿ ಮೆಟ್ಟಿಲಿಗೂ ಅರಿಸಿನ ಕುಂಕುಮ ಹಚ್ಚಿ ಕೈ ಮುಗಿವ ಹೆಂಗಳೆಯರು...</p>.<p>ಈ ಎಲ್ಲ ದೃಶ್ಯಗಳು ಇಲ್ಲಿನ ಚಾಮುಂಡಿಬೆಟ್ಟದಲ್ಲಿ 2ನೇ ಆಷಾಢ ಶುಕ್ರವಾರದಲ್ಲಿ ಕಂಡು ಬಂತು. ಇಡೀ ಬೆಟ್ಟವೇ ಭಕ್ತಿರಸದಲ್ಲಿ ಮಿಂದೆದ್ದಂತೆ ಕಂಡಿತು.</p>.<p>ಮೊದಲ ಆಷಾಢ ಶುಕ್ರವಾರಕ್ಕಿಂತ ಈ ಬಾರಿ ಜನಸಂದಣಿ ಅಧಿಕವಾಗಿತ್ತು. ಬರುವ, ಹೋಗುವ ಎಲ್ಲ ಬಸ್ಗಳೂ ಒಂದೆಡೆ ಕ್ಕಿಕ್ಕಿರಿದಿದ್ದರೆ, ಮತ್ತೊಂದೆಡೆ ಮೆಟ್ಟಿಲುಗಳ ಮೇಲೆ ಬೆಟ್ಟ ಹತ್ತಲೂ ಸರತಿಸಾಲುಗಳು ಕಂಡು ಬಂದವು. ಒಬ್ಬರ ಹಿಂದೆ ಮತ್ತೊಬ್ಬರಂತೆ ಭಕ್ತರು ಬೆಟ್ಟ ಹತ್ತಿ ಬಸವಳಿದರು.</p>.<p>ಕಳೆದ ವಾರದಂತೆ ಈ ವಾರ ತುಂತುರು ಮಳೆಯ ಸಿಂಚನ ಇಲ್ಲವಾಗಿತ್ತು. ಮೋಡಗಳೂ ದಟ್ಟೈಸಲಿಲ್ಲ. ಹೀಗಾಗಿ, ಬಿಸಿಲಿನ ತಾಪ ತುಸು ಹೆಚ್ಚೇ ಇತ್ತು. ಭಕ್ತರಂತೂ ಅಕ್ಷರಶಃ ಸುಸ್ತಾದರು.</p>.<p>ಎಷ್ಟೆಲ್ಲ ಆಯಾಸವಾದರೂ ದೇಗುಲದಲ್ಲಿ ‘ನಾಗಲಕ್ಷ್ಮಿ’ ಅಲಂಕಾರದಲ್ಲಿ ಕಂಗೊಳಿಸುತ್ತಿದ್ದ ಚಾಮುಂಡಿತಾಯಿಯ ವಿಗ್ರಹ ಕಂಡು ತಮ್ಮೆಲ್ಲ ಬಳಲಿಕೆಗಳನ್ನು ಕ್ಷಣಮಾತ್ರದಲ್ಲಿ ಮರೆತರು. ನೀಡುತ್ತಿದ್ದ ಪ್ರಸಾದ ಸೇವಿಸಿ, ಧನ್ಯರಾದೆವೆಂದು ಕೈ ಮುಗಿದರು.</p>.<p>ಈ ವಾರ ‘ವಿಐಪಿ’ಗಳ (ಗಣ್ಯವ್ಯಕ್ತಿಗಳ) ಕಿರಿಕಿರಿ ಅಧಿಕವಾಗಿತ್ತು. ಇವರಿಗೆಂದೇ ವಿಶೇಷ ಪ್ರವೇಶಾವಕಾಶವನ್ನೂ ನೀಡಲಾಗಿತ್ತು. ಧರ್ಮ ದರುಶನ, ₹ 30 ಹಾಗೂ ₹ 300 ರೂಪಾಯಿ ಟಿಕೆಟ್ ಪಡೆದವರು ಇದರಿಂದ ಹೈರಣಾದರು. ಲೋಕೋಪಯೋಗಿ ಸಚಿವ ಎಚ್.ಡಿ.ರೇವಣ್ಣ ಸುಮಾರು 20 ನಿಮಿಷಗಳ ಕಾಲ ದೇವಾಲಯದಲ್ಲಿ ಕಾಲ ಕಳೆದಿದ್ದರಿಂದ ಭಕ್ತರು ಸರಿಯಾಗಿ ದರ್ಶನ ಮಾಡದೇ ನಿರಾಶರಾದರು.</p>.<p>ಕುಡಿಯುವ ನೀರಿನ ವ್ಯವಸ್ಥೆ, ಪ್ರಸಾದ ವಿತರಣೆ ಅಚ್ಚುಕಟ್ಟುತನದಿಂದ ಕೂಡಿತ್ತು. ಹೆಲಿಪ್ಯಾಡ್ವರೆಗೆ ಮಾತ್ರ ಖಾಸಗಿ ವಾಹನಗಳಿಗೆ ಪ್ರವೇಶ ನೀಡಲಾಗಿತ್ತು. ಅಲ್ಲಿಂದ ಉಚಿತ ಸಾರಿಗೆ ಬಸ್ಗಳು ಇದ್ದವು. ಬಸ್ ಹತ್ತಲೂ ಭಕ್ತರು ಸರತಿ ಸಾಲಿನಲ್ಲಿ ನಿಲ್ಲಬೇಕಾದ ಪರಿಸ್ಥಿತಿ ಇತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ಎಲ್ಲಿ ನೋಡಿದರಲ್ಲಿ ಭಕ್ತರು, ಮೆಟ್ಟಿಲುಗಳ ಮೇಲೂ ಸರತಿಸಾಲುಗಳು, ಪ್ರತಿ ಮೆಟ್ಟಿಲಿಗೂ ಅರಿಸಿನ ಕುಂಕುಮ ಹಚ್ಚಿ ಕೈ ಮುಗಿವ ಹೆಂಗಳೆಯರು...</p>.<p>ಈ ಎಲ್ಲ ದೃಶ್ಯಗಳು ಇಲ್ಲಿನ ಚಾಮುಂಡಿಬೆಟ್ಟದಲ್ಲಿ 2ನೇ ಆಷಾಢ ಶುಕ್ರವಾರದಲ್ಲಿ ಕಂಡು ಬಂತು. ಇಡೀ ಬೆಟ್ಟವೇ ಭಕ್ತಿರಸದಲ್ಲಿ ಮಿಂದೆದ್ದಂತೆ ಕಂಡಿತು.</p>.<p>ಮೊದಲ ಆಷಾಢ ಶುಕ್ರವಾರಕ್ಕಿಂತ ಈ ಬಾರಿ ಜನಸಂದಣಿ ಅಧಿಕವಾಗಿತ್ತು. ಬರುವ, ಹೋಗುವ ಎಲ್ಲ ಬಸ್ಗಳೂ ಒಂದೆಡೆ ಕ್ಕಿಕ್ಕಿರಿದಿದ್ದರೆ, ಮತ್ತೊಂದೆಡೆ ಮೆಟ್ಟಿಲುಗಳ ಮೇಲೆ ಬೆಟ್ಟ ಹತ್ತಲೂ ಸರತಿಸಾಲುಗಳು ಕಂಡು ಬಂದವು. ಒಬ್ಬರ ಹಿಂದೆ ಮತ್ತೊಬ್ಬರಂತೆ ಭಕ್ತರು ಬೆಟ್ಟ ಹತ್ತಿ ಬಸವಳಿದರು.</p>.<p>ಕಳೆದ ವಾರದಂತೆ ಈ ವಾರ ತುಂತುರು ಮಳೆಯ ಸಿಂಚನ ಇಲ್ಲವಾಗಿತ್ತು. ಮೋಡಗಳೂ ದಟ್ಟೈಸಲಿಲ್ಲ. ಹೀಗಾಗಿ, ಬಿಸಿಲಿನ ತಾಪ ತುಸು ಹೆಚ್ಚೇ ಇತ್ತು. ಭಕ್ತರಂತೂ ಅಕ್ಷರಶಃ ಸುಸ್ತಾದರು.</p>.<p>ಎಷ್ಟೆಲ್ಲ ಆಯಾಸವಾದರೂ ದೇಗುಲದಲ್ಲಿ ‘ನಾಗಲಕ್ಷ್ಮಿ’ ಅಲಂಕಾರದಲ್ಲಿ ಕಂಗೊಳಿಸುತ್ತಿದ್ದ ಚಾಮುಂಡಿತಾಯಿಯ ವಿಗ್ರಹ ಕಂಡು ತಮ್ಮೆಲ್ಲ ಬಳಲಿಕೆಗಳನ್ನು ಕ್ಷಣಮಾತ್ರದಲ್ಲಿ ಮರೆತರು. ನೀಡುತ್ತಿದ್ದ ಪ್ರಸಾದ ಸೇವಿಸಿ, ಧನ್ಯರಾದೆವೆಂದು ಕೈ ಮುಗಿದರು.</p>.<p>ಈ ವಾರ ‘ವಿಐಪಿ’ಗಳ (ಗಣ್ಯವ್ಯಕ್ತಿಗಳ) ಕಿರಿಕಿರಿ ಅಧಿಕವಾಗಿತ್ತು. ಇವರಿಗೆಂದೇ ವಿಶೇಷ ಪ್ರವೇಶಾವಕಾಶವನ್ನೂ ನೀಡಲಾಗಿತ್ತು. ಧರ್ಮ ದರುಶನ, ₹ 30 ಹಾಗೂ ₹ 300 ರೂಪಾಯಿ ಟಿಕೆಟ್ ಪಡೆದವರು ಇದರಿಂದ ಹೈರಣಾದರು. ಲೋಕೋಪಯೋಗಿ ಸಚಿವ ಎಚ್.ಡಿ.ರೇವಣ್ಣ ಸುಮಾರು 20 ನಿಮಿಷಗಳ ಕಾಲ ದೇವಾಲಯದಲ್ಲಿ ಕಾಲ ಕಳೆದಿದ್ದರಿಂದ ಭಕ್ತರು ಸರಿಯಾಗಿ ದರ್ಶನ ಮಾಡದೇ ನಿರಾಶರಾದರು.</p>.<p>ಕುಡಿಯುವ ನೀರಿನ ವ್ಯವಸ್ಥೆ, ಪ್ರಸಾದ ವಿತರಣೆ ಅಚ್ಚುಕಟ್ಟುತನದಿಂದ ಕೂಡಿತ್ತು. ಹೆಲಿಪ್ಯಾಡ್ವರೆಗೆ ಮಾತ್ರ ಖಾಸಗಿ ವಾಹನಗಳಿಗೆ ಪ್ರವೇಶ ನೀಡಲಾಗಿತ್ತು. ಅಲ್ಲಿಂದ ಉಚಿತ ಸಾರಿಗೆ ಬಸ್ಗಳು ಇದ್ದವು. ಬಸ್ ಹತ್ತಲೂ ಭಕ್ತರು ಸರತಿ ಸಾಲಿನಲ್ಲಿ ನಿಲ್ಲಬೇಕಾದ ಪರಿಸ್ಥಿತಿ ಇತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
